Matiu 15:26 - Ka Lamana'a Monoꞌi Lu Mu Tifiꞌehina Ka Yabe

²⁶ To Yesu ana a'mofihi ka'alo lu emi'ehina: Yagapana'magihi nose'na lito kalamagihi he'mi epiluta bati mehu'ehibe.

Matiu 15:26 Referans Kwoze

Matiu 7:6

Lenali hetofa nasana kalamagihi meepilo. Enali i behe hite heni lepele lalabe nolube. To lenali pesesutini hetofa hatofa'a yagamagihi meepilo. Enali pesesutini libe hepulu tibe hite lapasa i lalabe nolube.

Filipai 3:2

Lenali foipa nehana bona kumu kaba hilo. Enali kala suhi lite momofa'na nehana bona'magi ma lite lu lepilabe. Lenugufa laga hilenogo Hu'mau lenele'malinagihe lite nelanagi enali kumu kaba hilo. Faga lilata nehana yabe.

Efeso 2:12

Ana kanagu lenali Kilisito hiti hepite memine'ahana ni'ibe. To Yuta bona'i enali fulilo meminese lenali fa'mene ino bano mine'ahana. To Hu'mau ai'a bonatoga lu molo epolo'ehina kaga alihi le'mo huto hilina ka yabe luto lu molo epolo'ehina kaga lenalitoga lu memalago lenali fegutoga bona'i fa'mene mine'ahana yabe. Lenali Hu'mamofihi mekehelise nehite ai lele'mo bati hilibe lite mekehelise minete ma melugu fa'mene sibina hite mine'ahana ni'ibe.

Galesia 2:15

Lali ya'ma fegutoga bona'i sibigopa minelata nehana bona'i huto mehune. Yuta bona'i huto hu'ohutaya,

Huto Hilina Ka 22:15

Nohi hepa'i nosipetoga ema minalana'a enali kolo tanana li'ahana'a to nalisalo bona'i to mokolo bona'i to enoho fililata bona'i to lugefa nasanalo enalapusa fi emi'ahana bona'i to fagalo bona'i hiti enali foyati bati huto ni'ibe lite faga lilete komopa'anigu li sibina nehana'a ya'ma enali asaga'i fegutoga minalana'mu yabe. Enali hepalugu metilana'mu yabe.

Romu 9:4

Hena'mube? Enali Hu'mau enele'mo ho ti'ehina bona'i nehabe. Ai enali'i mehuba hina'a pana'ni nehabe luto to sipi fana meha'agu enele'mo molo'ehina. Ai agoya hu niminogo'ni kaba hu lepalalube ya'ma kaga luto lu molo'ehina. Ai ana huto keya ka lu epito molo'ehina. Enali Hu'mamofihi gi'a liyafa huse hapa lamana'a keheli'ahana. Ai enalitoga alihi le'mo huto hilina ka hetofana lu molo'ehinamofihi kehelite li'ahana.

Matiu 15:25

Ya ligo ana a'uba Yesuhi gigusagu oto okabagati lipito koloto lu'ehina: Ke. Sipi Bo, kai nehe'mobo.

Matiu 15:27

Ya ligo ana a'uba Yesuhi lu emi'ehina: Sipi Bo, ya ma'naka nolane. Ya nohataya kalamagi afo'anigi nose'na nenago letuha'a hitamofihi me'agu limo ilata nohina enali kehelite nelata nehabe.