Matiu 14:3 - Ka Lamana'a Monoꞌi Lu Mu Tifiꞌehina Ka Yabe

³ Ai ya'ma huto ni'ibe. Koyapa'i Helotiu Yonihi yato seni nagatu naga'i etoloto nagalugu he'mi eto'ehina yabe. Helotiasiu ai Filipihi liha'a Helotihi ai etali'afihi hapa'amu lite ya hi ete'ahana yabe.

Matiu 14:3 Referans Kwoze

Maki 6:17

Koyapa'i Helotiu mone'amagihi enoho lifigo bite Yonihi lite naga'i emite le'mete bite kalabusi nonugu he'mi ete'ahana yabe. To henabe lutobe? Ai Helotiu, go'afihi Filipihi liha'a, gi'a Helotiasi, ya'ma a'i gumina folo'ehigo, Yoniu: Ya'ma kogokafihi liha'a li'ahata ya bebe meso'ehina yabe, luto lu emigo Helotiu Yonihi kalabusi emi'ehina yabe.

Matiu 4:12

Yonihi naga foyagu le'mo malabe lite lana'a Yesu akeheliloto ai Galili melugu bufa hu'ehina.

Maki 6:22

To ete nose'na ne'ahana yupahi Helotiasihi pa'auba Helotitoga buto enubulo melekehi igo, Helotigi ana melekepo laga'ani epesi'ehina yabe. Helotiu ai sipi laga besigo ana pa'mofi kumu ma luto lu emi'ehina: Oho. Ya'ma melekehi italo henana kimilube? Mone kebesilinana kimilunagi kai lu nimibo.

Maki 6:19

To ana a'uba, Helotiasiu ai Yoni kumu ipa'agu sibina higo halube'mu nohuto mino'ehina yabe. Ai ya huto minago, to Helotiu ai Yoni kumu koli nohuto kaba hu eto'ehibe. Yoni ai hetofa bo nohuto to hapa'a bati hu'ehigo, Helotiu ai koli nohuto kaba hu eto'ehina yabe. To Yoniu hetofa kaga lu emigo, Helotiu komopa'agu keheli keheli nohuto minoto ka'a kehelilata'a laga'a besi'ehina. Ai Yonihi ka'a kehelito ekesa keheli keheli huto minoto'a hena'ni hilube luto kehelito mino'ehina. Ya huto minoto ai Yonihi kaba hu etago Helotiasiu ho mefilise mino'ehina yabe.

Matiu 11:2

To Yoniu ai nagami folo epolose bo naga'i emi'ahago nohuto asaga lili'na Yesu nolinamofihi ka'a keheliloto koko pana'a enoho lifigo Yesutoga e'ahana.

Luku 13:1

Ana kanalo bona'i luga'a mine'ahanamagi Galili bona'i luga'amagi Hu'mamofitoga lokiya fi emite Pailatihi bomagi enehe'ahana kaga Yesuhi lu emi'ahana.

Matiu 14:6

Mone yupahi Helotihi ito'afu keto'ehina kana'alo bona'i luga'a ete li gehesa hite nose'na gete nete mine'ahana yabe. Ya nehago Helotiasihi pa'auba folagaha'anigu melekehi ito bula ola hu'ehina yabe. Ya higo Helotihi laga'a gofa besi'ehina yabe.

Maki 6:14

To yalo asaga bona'magi Yesu kumu kaga liba liba hago, gihiti bo mone, gi'a Heloti, ai ya'ma kaga keheli'ehibe. To bona'magi mone'a Yesu kumu: Ai Yoniu nagami folose bouba fili'ehinaguti aho notibe. Ya'ma Yesu ai ana bo nohuto, amuya hiti nohuto'a ya'ma yege fise'na legi huto nominanagihe, lite li'ahabe.

Maki 8:15

Yesu fato kaga kehelito lipoti epito ma lu'ehina: Lenali kaba hu bati hite minalo. Ya'ma Felosi bona'magihi hapa'ani to Heloti naga'i nehana bona'magihi hapa'ani mege'i memelese minete kaba hilo. Enali hapa'ani ya'ma yisiti beleti kelo kelo tilina'a legitana ni'ibe. Foipa hapa'ani ni'igo asaga bona'magihi hapa'ani le'mo sibina hulatanamo ni'ibe.

Luku 3:1

Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Luku 8:3

To Yoana, Susahi liha'a ai Helotihi noha'alo kaba bomofihi liha'a yagi to Susana to babu ana'i luga'a hiti enali Yesu hiti to koko panana'amagihi fe'noha'anilo enehe'ma enehe'ma hite bi'ahana yabe.

Luku 13:31

Ana yupahi Felosi bona'i luga'amagi ete ma lite Yesuhi lu emi'ahana: Helotiu kahalube'mu nohinagi kai ma hepa'i he'mito foto'i fatoga bubo, lite lu emi'ahana.

Luku 23:7

Enali lu emigo akeheliloto Yesu ai Helotiu kaba hu'ehina melugu bo nohigo keheliloto Helotiu nohinaga Yesuhi ho lifi'ehina. To ya'mana yupahi Helotiu Yelusale hepatoga oloto'a mino'ehina yabe.

Luku 23:11

To Helotiu gimi bo'a hiti Yesu kaga foipa foipa'a lu etelete kiya hu ete'ahabe. Ya nehite enali kata mone hetofa fayaha'auba lubo labo lu'ehina katatu'i hepi etelete he'mi etago Pailatiu nohinalo aku'i bu'ehina yabe.

Aposolo 4:27

Ya'ma Tebitiu koyapa'i ya lu'ehinagi to lusiga ma'naka luto Helotiugo Ponitiasi Pailati hiti enali fato naga'a hiti to Isilaeli bona'i enali Yesuhi le'mo melugu malalune lite moneko ma hepalugu li nupa hi'ahana, ya'ma koko panaka mana'a koyapa'i le'mo molo'ahata yabe.

Aposolo 12:1

Ya'mana kana'alo Helotiu gihiti bouba hapi fito Yesutoga komopa'ani emina bona'i enegene mane ito enohoto enagabu gise'na li huto hu epolo'ehina yabe.