Matiu 14:26 - Ka Lamana'a Monoꞌi Lu Mu Tifiꞌehina Ka Yabe

²⁶ Koko pana'amagi Yesu nagami mupa'alo kapo moloto noago be gelete topa hete afoya foya ilete felemo noabe lite koli hi'ahana yabe. Enali sipi koli fato'mofihi hilete kehe sipi i'ahana.

Matiu 14:26 Referans Kwoze

Luku 24:37

Ya higo enali topa hete sipi koli hilete fele noabe lite keheli'ahana.

Huto Hilina Ka 1:17

Nani meha'a ya huto bu goloto i behe huto gigusagu hekili higo koloto mino'ohuna. Nefilina ya suhi huto ko'ohugo yahi lamaga'auba nugupisaga moloto ma luto noluto lu nimi'ehina: Kai kelesa melino. Nani kohe toto alihi moloto nohube.

Luku 24:5

Enali ana ana'i enelesa'ani ligo koli hilete melugu lipi gehesa i baga i'ahana. Ya nehago etali ana ana'i lu epi'aha'ina: Lenali hena hibe lite fili'ahana bona'magi hepalugu aho ti'ehina bomofi kumu'i sa sa nehabe?

Aposolo 12:15

Ya ligo, kai negi ka nolapihe? li'ahana. Ai: Lusiga luto lama'naka Pitau nohibe luto amuya moloto kaga noligo enali li'ahana: O'e, ai Pitahi meha'a nohilina'mu yabe, li'ahana.

Luku 24:45

To ai ya luto lu epito enegekesa lu hokolo higo enali Hu'mamofihi ka'a fayahi go'ehina keheli bebe se'ahana.

Luku 24:23

To enali ya hite ete lalitoga ma lite li'ahana yabe: Lali agelo bomagihi enemeha'ani bu gonogo ana agelouba ma luto lu limi'ehina: Ai aho tito nohinagihe luto lu'ehina yabe.