Matiu 14:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To ana boana'i kifi'nalo melugu minalo luto lu epi'ehina. Ya luloto ai loegi loegi monegi beleti hiti to loe faya'i hiti liloto kokulumalugu bu golago tiloto nunumu huto fokehi li'ehina. To ai beleti li pata putu siloto koko pana'a epigo enali asaga boana'i lite bite epimofa'na hi'ahana yabe.

Matiu 14:19 Referans Kwoze

Luku 24:30

Alihi enali nose'na nalune'mu nehite Yesu etali hiti moneto mine'ahana. Ya huloto ai beleti nose'na liloto Hu'mamofitoga fokehi ho emiloto gofa hoto etimi'ehina yabe.

Aposolo 27:35

Polu ya luto luloto beleti nose'na lito asaga enali enubulo Hu'mamofitoga fokehi ho emito nunumu huloto li pata sito nalube'mu hu'ehina.

Maki 6:41

Ya hite meto mine'ahago, Yesu ana beleti nose'na loe yagi loe yagi mone yagi to ana faya'i loemo hiti lito'a, kokulumaga bu go saga nohuto Hu'mamofitoga fokehi lu emito beleti nose'na li gofa huto pana'alobo noepigo enali lite bite gabu ite epi'ahabe. To faya'i ana huto li gofa huto epigo enali lite bite epi'ahabe.

1 Koliti 11:24

beleti nose'na liloto Hu'mamofihi foke ka luto gofa hoto noepito lu'ehina: Ya'ma nani nugufa'ni lenali kumu luto nolepube. Nani kumu keheli nimite ya hite nete minalo.

Romu 14:6

To mone yupahi napa ni'ibe lulata bouba Hu'mamofihi gi'a liyafa huse'namu'i ana yupapogu fuli minalibe. To asaga nose'na nalata bouba ana huto Hu'mamofihi gi'a liyafa huse'namu'i kaba huto nominabe. To ai ana nose'namo Hu'mamofitoga gepohi luto bati huto yabe luto lu emito nonabe. To bo moneuba fato nose'na mo sito guya'asigo nalina ai ana huto Hu'mamofihi gi'a liyafa huto bati huto yabe lu emito nonabe.

Kolose 3:17

To asaga'na hilana'a to kaga lilana'a Sipi Boti Yesuhi gi'a liyafa nehite minalo. To ai kumu Hu'mamofihi fokehi lilo.

1 Koliti 10:16

Konugu ya'ma bai nagami'i Kilisitou lusa gito molo'ehinamofihi ya'ma nonototi Kilisitohi golaha'a lusa gito molo'ehina ya'ma guna ito lilata nohune. To beleti lusa gito molo'ehina ya'ma nonototi Kilisitohi gufa'a lusa gito molo'ehina ya'ma guna ito lilata nohune.

Luku 9:14

Babu bona 5,000 analo mine'ahana Yesu pana'alobo'a ma luto lu epi'ehina: Lenali ana bona lu epinogo li nupa hila hila hite 50 50 melugu mineno, luto lu epi'ehina.

Maki 7:34

yalo kokulumagu bu go saga huto'a: Ke, luloto to ai'a ka'aguti Efata luto, lali kaguti: Hokolo hubo, luto lu'ehina.

1 Koliti 10:31

Nani lenali kalo nona'a ma luto nolube. Lenali nose'na nalune'mu nehitemo to yafi nagami'i nalune'mu to silaga'na hilune'mu Hu'mamofihi gi'a huto huto hilibe lite ya suhi lolo hilabe.

Yoni 6:23

To Yesu beleti nose'na hiti faya'i hiti lito fokehi holoto'a babu boana'i epigo ne'ahana hepa lebato Taibiliasi boti luga'a nebago bu ge'ahana.

Maki 6:39

Ya lago yalo Yesu ma luto lu epi'ehina: Ana lenali asaga bona'magihi enele'mo nupa hinogo meto mineno.

Yoni 11:41

Ya ligo hekini le'ahana efahi li he'mi'ahana. To Yesu bu go saga huto ma lu'ehina: Afo'niga, nani kumu kehelilata nohane. Yana'mu foke ka lu kimilata nohube.

Luku 22:19

To ai beleti lito Hu'mamofihi fokehi ho emiloto li gofa holoto enali'i epiloto ma luto lu epi'ehina: Ya'mana nani nugufa'ni yabe. Lenali kumu nugufa'ni he'mito fililuna'mu yabe luto nolepube. Lenali ya'mana suhi hilete nelata nehite nani kumu'i lenekesu meheno.

Luku 9:16

Ya nehago Yesu beleti nose'na loegi loegi monegi hiti faya'i loemo liloto kokulumatoga bu go saga huloto Hu'mamofihi fokehi holoto ana nose'na li tobo sito pana'alobo'a epigo enali lite bite ana bona'i bite muyaga epila maga epila hi'ahana.

Matiu 14:18

Ya lago Yesu lu epi'ehina: Lenali ana nose'na ite ete nimilo.

Luku 22:17

To ai masu mone lito Hu'mamofihi fokehi holoto ma luto lu'ehina: Lenali ya'mana lilete lenalitini guna ilo.