Matiu 14:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Alihi Yesu nagami beletoga keheto buloto babu boana'i nehago bu enogo'ehina yabe. Ya hago ai ginaga fi epiloto enebesi'ehina bona'ani enele'mo bati hu'ehina yabe.

Matiu 14:14 Referans Kwoze

Hibulu 4:15

To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.

Matiu 9:36

Babu boana'i Yesuhi le'mo bego hite minago bu enogoloto Yesu eniginaga fi epi'ehina yabe. Hena'mugope enali enekesa yigi babu lilete bo moneuba meenehe'mago sipisipi yaga kaba bo'ani meminago tili tele hite minelata nehana suhi lite minana'mu luto yabe.

Hibulu 2:17

Ya hu'ehina'mu Yesu ai lali'i mamufa gi letolata boti sipi bo komopa'a molo letoto to Hu'mamofihi gobisalo foya amuya moloto lilatanamofihi minalibe luto bona'i lali'i foipanati okala hu letalibe luto ya'ma ai henana hu'ehibe? Ai lali hiti gonamu tamu'a lolo huto'a fili'ehinamo ni'ibe.

Hibulu 5:2

Ana mamufa gilata bo ai'a hapa'a mone amuya memolose nohigo fato bona'magi kaga mekehelilata to foipana lilata nehanamagihi fulu huto ginaga fi epite agoya hu epilata nohibe.

Luku 19:41

Yesu Yelusale hepa lebato nehetiloto ana hepa'i bu golago bula ola huto beloloto yibi huto ma luto lu'ehina:

Luku 7:13

Ya nehago Yesu ana pana'mofihi ito'afihi komopa'agu pana'amu luto sipi yibi huto hepuhi nolago ma luto lu emi'ehina: Yibi mehubo.

Maki 9:22

Ya huto minoba minoba nohigo ana feleuba pana'nimofihi halube'mu fato fato yupahi logogu le'mo laki hu'ehina yabe. To fato fato yupahi nagami hefunugu le'mo nofu tu'ehina. To kaiya le'ehe'malatamo keheli bati nohapiye? To kai keheli bati hulotoka keke'i nolu le'etotoka le'ehe'mobo.

Maki 6:34

To Yesu alihi anaga nehetito enali li gehesa nehanamo bu enogoto keke'i lu epolo'ehina yabe. Enali sipisipi yagamagi, kaba bo'ani meminana suhi lite nehago bu goto keke'i lu epolo'ehina yabe. Ya huto'a kaga lu enelepiba enelepiba huto mino'ehibe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Matiu 14:15

Utehe kana nohigo Yesuhi koko pana'a aitoga elete ma lite lu emi'ahana: Ma hepatoga bona'i menehabe, to sinihi agilina'a nohibe. Ya nohinagi kai boana'i enoho lifitogo enali abino. Enali hepatoga bila ela hite nose'na'ani sa sa hite nalabe.