Matiu 14:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Yoni naga nonugu nohinalo bona'i luga'a Helotiu enoho lifigo bite lubaha'a laga hi'ahana yabe.

Matiu 14:10 Referans Kwoze

Matiu 17:12

Ya hu'ehina nani ma'naka luto lu nolepube. Elaiyau ai ao'ehibe. Ya hu'ehinamo bona'magi Elaiyau nohibe lite menekehelibe. Ya hite enali enemehuba hinanamofihi mege'i melete nehite fato fato suhi hi ete'ahana yabe. Kokulumaguti limi'ehina Bomofihi ana suhi hi etete gabu'i gilinana hi etalana'mu yabe.

Huto Hilina Ka 11:7

To mono ka lu yege hala'ina kana'a su holenogo yatama keliguti luba yagakafa tilina'mu yabe. Tiloto luba etoho etebe ligito etehelenogo filila'ina'mu yabe.

Luku 9:9

Ya nelago Helotiu ma luto lu'ehina: Nani koyapa'i Yonihi lubaha'a laga huto lataha'a li'ohunamo yagi ai ya'ma bo kiyi'afu nohigo kaga'a fato fato'i babu lito nokehelube? Ya luto luloto ai Yesu kumu mapahi fito sa sa huba huba huto mino'ehina.

Maki 9:13

To nani ma luto lu lepilugi keheli'ehilo. Elaiya ao su ho'ehinagihe. To olago, enali sibi suhi asaga'na hi ete'ahabe. Asaga'na enegekesa yigi'ahanamofihi suhi ya'ma hi ete'ahana yabe. Mono kalugu ana hi etalabe luto koyapa koyo'ehina ni'ibe. Ai kumu koyo'ehina ka asaga'i ahuto hu'ehina yabe. Yesu ya luto lu epi'ehina yabe.

Matiu 14:9

Ya luto ligo Helotihi gufagu keta besi'ehina yabe. Ya hinaya ai asaga bona'i li nupa hite minete nose'na nana bona enubugu ma'naka luto lu emi'ehina yabe. Ya'mu luto ai lu'ehina: Anana li emilo.

Matiu 14:11

Ya hite lape'i monelugu Yonihi lataha'a melete ite ete ana yafa'amofihi emi'ahana yabe. Ai ana lape lito ito'afu nohinaga bu'ehina yabe.