Matiu 13:55 - Ka Lamana'a Monoꞌi Lu Mu Tifiꞌehina Ka Yabe

⁵⁵ Yafa lolo huse bomofihi pana'amo nohifi fato bobe? Maliau ito'afu nohifi fato pana'mofihi ito'afube? To Yemesiu, Yosefeu, Simoniu, to Yutasiu ai gona'amo nehafi fato bomofihi enogona'ani nehabe?

Matiu 13:55 Referans Kwoze

Yoni 6:42

Ya hilete li'ahana: Ya'ma bo Yosefehe pana'a Yesuumo nohifihe? Ai afo'afinogo ito'afinogo akeheli'ohutamo minaya yatai ai hena hibe luto kokulumaluguti limi'ohuna bo nohube nolibe?

Maki 6:3

Ai nohi gise lili'nalo bo nohina, ai fa'mene Maliahi pana'a nohina yabe. To Yemesigi Yosesegi Yutasigi Simonigi enogo'anifu nohibe. To etali'agi mana hepatiga nehana yabe. Ai hepatilo bo nohinaya ya'ma ka nolina'a hiya'agati keheli'ehibe?

Luku 3:23

Yesu lili'na hapi fi'ehina kanagu foya kana'a 30 bulago hapi fi'ehina. Enali Yosefehi pana'a yabe lite enegekesa keheli'ahana. To Yosefe ai Hilai pana'a. Hilai ai pana'a Matati yabe.

Luku 4:22

To enali gi'a liyafa hilete kaga hetofana baga'aguti lina'mu enekesa yigi babu li'ahana. Ya hilete'ani enali li'ahana: Ma bose, ya'mana pana'iba Yosefehe pana'mo nohifi fato pana'i nohibe?

Yoni 19:25

To Yesu malipu yafa'alo nekisa'aga ito'afu ho tito mino'ehina. To ana hite bo mone'mofihi gi'a Kolopasi, ai'i liha'a Maliagi to Magatala hepato a'i hiti, Maliagi enaliya nehana.

Maki 15:47

To ya nohigo, ya'ma Magatala ai'i gi'a Malia, ai to Yosesehi ito'afu, gi'a ana huto Malia, ana a'male'i Yesuhi gufa'a keli ho'ehina hepa'i bu gete keheli'aha'ina yabe.

Galesia 1:19

Ya huto nohu'igo aposolo bo luga'a bu meenogobe. Sipi Bomofihi gona'a Yemesihi ya'ma aigo bu go'ohuna yabe. Yana bona'magi aposolo nele'mo ho meti'ahanagi Hu'mau ai'ago nele'mo ho ti'ehina.

Luku 24:10

To ana ana'i enali anana huto hina bu ge'ahanaya Malia ya'ma Magatala hepato a'i yagi Yoana yagi to Malia, Yemesihi ito'afu yagi to luga'a ana'i hiti bite bu ge'ahanamagi Yesuhi aposolo pana'a ya huto asaga'na huto hu'ehibe lite lu epi'ahana yabe.

Luku 1:27

Ai yafana'i mone pana'i moneto lepi'ahana pato bu'ehina pana'mofihi gi'a Yosefe. Ai Tebitihi nagaluguti yabe. To ya'ma pa'mofihi gi'a Malia yabe.

Maki 15:40

To ana'i mone'amagi foto'i nehite bu gete mine'ahabe. Mone gi'a Malia, ai Magatala a'i yabe. To mone ana huto gi'a Malia, ai Yosese hiti to lagaso Yemesi hiti ito'atitifu yabe. To mone gi'a Salome yabe.

Matiu 27:56

Enali folagaha'anigu Magatala meluguti a'i mone Malia yabe. To mone Malia Yemesinogo Yosefenogo ito'atitifu yabe. To Sepetihi pana'a loemale'i ito'atitifu hiti mine'ahana yabe.

Yoni 9:29

Hu'mau koyapa'i Mosehi kaga lu emi'ehina yamofihi akeheli'ohune. To Yesu ya'mana bomofihi hepa'agati o'ehina lali mekeheli'ohune.

Yute 1:1

Yuteita nani Yesu Kilisitohi kele kele'a to Yemesihi gona'amofita, afotifu Hu'mau elesa molo lepito komopa'a lepilata nohina'mu lenele'mo moloto Yesu Kilisitohi kabalo lenele'mo molo'ehinamo lenali fayahi ya'ma koyoto nolepube.

Luku 8:20

Ya hite nehago mone kene'uba bu enogoloto Yesuhi kehe i emito lu'ehina: Kai itokafumo to kogonamu tamukamomagi bu kagalune lite ma fegutoga ho tilete nehabe.