Matiu 13:48 - Ka Lamana'a Monoꞌi Lu Mu Tifiꞌehina Ka Yabe

⁴⁸ Faya'i tite bai telago faya'na nehana bomagi li kefefa hite kehetoga libiti nemalabe. Ya hilete enali meto minelete faya'i bati'mofiha'a lapelugu li nemalabe. To bati mehina faya'i menose'mofihi ni'igomo enali he'milago bilata nehabe.

Matiu 13:48 Referans Kwoze

Matiu 13:30

Kifi'na hiti nose'na hiti anagu he'minogo sibi sibi hite tilenogo alihi nose'na li nupa hiluta yupahi li gehe lilune. To nani ma luto lu lepiluna'mu yabe. Lili'nalo pana'ni, lenali foipa kifi'na li nupa hite sa gilo. Lali logogu galuta'mu yabe. To nose'na'aya li nupa hite noha'niluga malalo luto lu lepiluna'mu yabe.

Matiu 3:12

To ai emuha'a yanuga li'ehibe. To kifi foyaguti lilina yabe. To ai nose'na yufagaha'a li nomalana nonugu li nupa huto li malalina'mu yabe. To yana huto sibina'a li nupa huto mesobose loba logogu galina'mu yabe.

Matiu 4:18

Yesu Galili nagami Hefuhi beleha'aga kapo moloto notubuto loe kogunale bu etogo'ehina. Simoni, enali Pita lite gi'a helata nehana hiti to gona'a Atulu, etali hefunugu faya gutalafa melete neha'igo bu etogo'ehina.

Matiu 13:47

Ana huto kokuluma kapoya faya gutalafa melelete faya'i fato fato'mofihi tite bai netana'a huto ni'ibe.

Matiu 13:49

Ma me'i su halina yupahi ya'mana suhi hilina'mu yabe. Bati bona'magi folagaha'anigu bona'i foipa'a nehilana agelomagi ete enele'mo he'milana'mu yabe.