Matiu 13:42 - Ka Lamana'a Monoꞌi Lu Mu Tifiꞌehina Ka Yabe

⁴² Ya hilete enali loba loba huto nina logogu enele'mo he'minogo bilete enagabu kumu behe behe baha baha ite sipi yibi hilete enabaga yogo'a henibe gofa hibe hilana'mu yabe.

Matiu 13:42 Referans Kwoze

Matiu 13:50

Ya hite sipi logo loba loba logogu enele'mo malalana'mu yabe. Ya hinogo ana sipi logogu sipi yibi bena nehite enabaga yogo'a henibe kolibe hilana'mu yabe.

Huto Hilina Ka 20:10

Ya nehinogo Satahi ya'ma afetoga bona'i enimi'i molo'ehina bo ai hiti fela logomofihi hefuha'agu kala efahi logogu loto ni'inagu fi felu ho he'minogo limi'ehina yabe. Koyapa'i akafu yagakafa ai hiti to faga faga mono ka leli'ali bo ai hiti anagu fi felu ho he'minogo limi'aha'inagu ya'ma Sata hiti limi'ehina. Enali ya'ma ufeha'a hiti nasana kofi epelelenogo kana'amu kana'amu utehi etehi enagabu kumu kalafa hite minalune'mu habe.

Matiu 8:12

To Isilaeli bona'i mone'amagi ana kapo'alo tilune'mu nehago Hu'mau fegutoga sipi metepumogu he'mi epalalibe. Fegutoga sipi yibi hiba hiba hilete enabaga heni kofilabe.

Huto Hilina Ka 19:20

To akafu yagakafa ai hiti to faga faga mono ka loli'ali bo ai ya'ma akafu yagakafamofihi bulo topa hose nasana suhi huto li'ehina bo hiti naga'i etimi'ahana yabe. Ya'ma faga faga mono ka loli'ali bo ai koyapa'i akafu yagakafamofihi meha'a enalapusa fi emi'ahana bona'i to akafu yagakafamofihi omiha'a enogobisalo fayahi ge'ahanamagi hiti topa hose foya'atu enali'i komopa'ani le'mo sibi sibi hu'ehina. Yana bo hiti to akafu yagakafa hiti enele'moto logo'a hiti nagami hefunugu kala efahi logo loto nohinagu ya'ma he'mi etatogo mefilise hite limi'aha'ina.

Huto Hilina Ka 14:10

enali ekesa bai nagami tegi huto Hu'mamofihi ita bise'na'a ni'ina fa'mene nagami'i hiti li sibi sibi mehuse ipakafa halina lapeluguti epinogo nalabe. Ya hilete hetofa agelo lamana'amagi to sipisipi nala'a enali enubulo hiti to kala efahi logogu lolenogo keligu li binogo limite nehite enagabu neginogo kehelite minalina'mu yabe.

Matiu 25:41

To nani nayahi soga'niga nehana bonatoga i behe huloto ma luto lu epilube: Lenali foipa bona'i. Lenali logo mesobose logo loba loba huto nina hepatoga bilo. Ya'mana logo Afo'nifu Sata hiti foipa fele'a hiti mesobose loba loba logo go epolo'ehinalo yabe. Lenali analo bilo.

Matiu 22:13

Ya higo gihiti bouba koko pana'a ma luto lu epi'ehina: Lenali ma bo gilo, yato naga ite fegutoga he'mi melenogo ai metepugu minalibe. Ai ana metepugu nohuto yibi nama huloto baga yogo'a henibe yugupobe hilibe.

Huto Hilina Ka 21:8

To luga'amagi ufeha'a hiti nasana'mu enelesa lilina bona'i to mono ka keheli he'milata bona'i to kolo tanana lilata nehana bona'i to enoho fililata nehana bona'i to mokolo bona'i to nalisalo bona'i to faga lugefa enalapusa fi emilata nehana bona'i to faga fagalo bona'i ya'ma ya'iya nasana lite minelata hi'ahana asaga'i yege yegetoga enali nohi hepa'ani logo'a hiti nagami hefunugu kala efahi logo loto ni'inagu ya'ma minalabe luto lu'ehinamo ni'ibe. Ya nasanauba ya'ma filise'namofihi napa 2 lolo nohibe.

Luku 13:28

To Abalahau Isakau Yakopu to asaga lu yege hose bona'i Hu'mamofihi hepa'alo nehinogo lenali bu gelete lenali fegutoga minalana'mu yabe. Ya nehinogo lenali sipi yibi hite lenabaga yogo'alo heni heni hite minalana'mu yabe.

Matiu 3:12

To ai emuha'a yanuga li'ehibe. To kifi foyaguti lilina yabe. To ai nose'na yufagaha'a li nomalana nonugu li nupa huto li malalina'mu yabe. To yana huto sibina'a li nupa huto mesobose loba logogu galina'mu yabe.

Huto Hilina Ka 9:2

To yatama kelimofihi kafe'a nosigigo lokiya sipi ti'ehina. Foya nolito sipi fi'mo nogoyotogo lokiya tilata nohina ya suhi huto keliguti ti'ehina. Lokiya ya'ma tito yegemofihi bu'aga to megesaga meya ifi to'ehina.