Matiu 13:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ma bona'magihi komopa'ani hekini loto ni'ibe, ya hu'ehigo enekesa'aniuba kaga kehelilina'mu kosele'i aho'ehibe. To enali enekesa'ani negi no su ho'ehibe. Ya hu'ehigo enubu'aniuba ana'ina bu megalina'mu yabe, to enekesa'aniuba kaga mekehelilina'mu yabe, to lataha'aniguti kaga mana'a keheli fe melilana'mu yabe. To enali nanitoga lele'mo bati hilibe lite i behe hite enogo nani enele'mo bati hiluna'mu yabe, luto Hu'mau lu'ehina yabe.

Matiu 13:15 Referans Kwoze

Maki 4:12

Enali bu geba bu geba nehite bu megalabe. To keheliba keheliba nehite mekehelilabe. Enali kehelitita komopa'ani i gelehe hinogo Hu'mau foipana'ani li he'mitita'mu yabe. To enali mekehelilabe luto fono kalugu lu noepube, Yesu ya lu'ehina yabe.

Hibulu 5:11

Yamofihi ka'a babu luto ni'inaya lenali lenegekesa legeso hite kehelilatanamofihi tupa'asi nehinogo lu lepilube luto keheli'ohuna komopatini keta nohibe.

2 Timoti 4:4

Enali i behe hite, lusi mono kamofihi legeya'a ya'ma enemegesa hu emilete gusunupa'a meni'ina kilihe'i kagalo bite i hepilabe.

Aposolo 7:57

Ya luto noligo enali enegekesa'ani fi hekini lelete ho tite kehe sipi ite ahi kala kala melelete Sitifenihi bite nu ki saga hi'ahana.

Huto Hilina Ka 22:2

hepa'mofihi kapo folaganugu nomobina. To nagami'i luga luga amuya moloto oto minolatanamofihi yafalo nohina yamofihi legeya'a bona'i nelenogo gufa'ani minoba minoba huse'na ya'ma suhi huto fato fato'mo legeya'a 12 ikahi go'i lu etana lu etana kanalo legeya'a hoto luya'i lolata nohibe. Noto noto bona'magi ana yafamofihi haya'a ya'ma gufa'anilo felete minete bati hilune'mu habe.

Aposolo 3:19

Ya hu'ehinagi lenali komopatini i gelehe hinogo ai Hu'mau foipanatini kele li he'mi lepalalibe.

Luku 19:42

Yelusale naga'ise. Kai yatai bati huto fulunaguti minosemofihi hapa'a akehelitita bati huto mina tino. Ya hu'ehina yatai ya'manana fenene huto ni'igo kai bu megane.

Aposolo 28:27

Ya'ma boana'magi komopa'ani hekini loto ni'igo enegekesa'aniuba kaga kehelilina'mu kosele'a nohago enali enegekesa'ani i hekini lete nehabe. To henabe lutobe? Enali enubu'anigu bu gete kehelite to enegekesagu kaga binogo kehelite to komopa'anigu nani kaga keheli fe lite hilete'ani komopa'ani i gelehe hite nanitoga elenogomo enele'mo bati hiluna'mu yabe. Ya hu epalalunaya enali'i anana hu lalibe lite enubu fili kete, enegekesa hekini lete, to komopa'ani i sepa ite nehanagihe. Hu'mau ya luto lu'ehina yabe.