Matiu 12:50 - Ka Lamana'a Monoꞌi Lu Mu Tifiꞌehina Ka Yabe

⁵⁰ Kokulumalugu Afo'nifu nohinamofihi agoya hu emise bona'iya nani nogona'ni netali'nigi to nani ito'nigi nehabe. Ya luto Yesu lu epi'ehina yabe.

Matiu 12:50 Referans Kwoze

Luku 8:21

Ya noligo Yesu ma luto asaga'i lu epi'ehina: Enali Hu'mamofihi ka'a kehelilete mege'i nemalana boana'magiya nani ito'nigi nogonamu tamu'ni nehabe.

Maki 3:35

Ya'ma Hu'mamofihi ka'a kehelite agoya hi emilata nehanamagi enali nogo'nigi netali'nigi ito'nigi nehana yabe, luto Yesu ya lu epi'ehina yabe.

Yoni 15:14

Lenali kaga nolenelepunalo mege'i melelata nehana nalalu'nigita yabe luto lilube'mu hube.

Yoni 6:29

Ya lago Yesu ka'anilo nona'a lu epi'ehina: Hu'mamofihi lili'na'a ma huto ni'ibe. Ai'a ho lifigo o'ehina bomofitoga komopatini emite minalo.

Matiu 28:10

To Yesu lu etimi'ehina: Koli mehiliyo. Nogonamu tamu'ni nehanaga bite Galili kapogu nanitoga enogo fo tumala hilune, luto lu epiliyo, Yesu ya luto lu'ehina.

Romu 8:29

Hu'mau fuku lu'ehina bona'i enali'i pana'a Yesu yabe moneko babeyafa hite gona'a lolo huto minalabe luto Yesu yege'a pana'i minoto naga'a enele'mo molo'ehina yabe.

Yoni 6:40

Afo'nifu ma luto keheli'ehibe. Asaga bona'i pana'a bu gelete komopa'ani emilanamagi mino kosaba hepa'i lilabe. Ya hinogo nani kokuluma hiti me'i hiti su halina yupahi enele'mo ho ti kosaba hiluna'mu yabe.

1 Yoni 2:17

To me'mofihi gupisa'alo ana'ina to enipa hina nasana hiti asaga'na su hoto mone yupahi fenene hilibe. To enali Hu'mamofihi bagaguti ka'a kehelite mege'i nemalana'a enali mineme bite mino hetofa hite minalana'mu yabe.

Matiu 25:40

Ya lite noloka henogo nani sipi gihiti bomofita ma luto lu epilube: Nani ma'naka luto lu nolepube. Musufalo bo mone nalalu'nifihi ma melugu ya'mana suhi hi ete'ehilana ya'ma nani'i nele'mo bati hi'ahabe.

1 Timoti 5:2

Litana'i enali kumu ito'nigitabe luto ya'ma kaba hu epoloto ya suhi ma suhi hu epolo lito buto minalane. To yafana'i neta bona'nimagita yabe luto ya suhi holito nobuto yamofihi kaika kegekesa komopaka kaba hu bati hubo.

1 Pita 4:2

To yatai kanagu lenugufamofihi enumu fililatana yamofihi melise Hu'mamofihi bagaguti kaga'a kehelite ma melugu mineme bite minalabe.

Galesia 6:15

Lugufalo Hu'mamofihi keya'i laga hu'ehina ya ni'ifihe? Laga mehu'ehina ya ni'ifihe? Yamofihi ya'ma lamana'a meni'ibe. Kosaba lemehati hiti minaluta nasana moneko'isi lamana'a ni'ibe.

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Huto Hilina Ka 22:14

Gukete'ani okala hite gulu gulu gu'ani le'mo bati bati nehana bona'magi kumu kehelugo laga'ni nebesilata nohibe. Enali ya'ma lu epinogo'ni ule'ale huto minolata yafamofihi legeya'a nelete minoba minoba nehana'amagihi ya'ma epinogo'ni nalabe to ya'ma nohi hepa'mofihi kasinugu tilabe.

Kolose 3:11

To Hu'mau ya nohu lepalago fato fato bona'i meminese moneko bona'i nehabe. Mone Yuta bona'i to mone fegutoga bona'i meni'ina. Ana huto enugufa laga hise bona'i to laga mehise bona'i meni'ina. To naga'i emite koko hise bona'i to naga'i melise bona'i meni'ina. Bona'i hapa'ani fato fato'na ni'inaya ya'mana fa'menena ni'ibe. Kilisitou ai lali fato fato bona'i asaga'i lele'mo moneko babeyafa hu'ehina. Ai bona'i yege yege'na lele'mo moneka hu'ehina. To ana huto ai yege yege bonatoga minalibe.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

Aposolo 17:30

Koyapa'i kaga keheli bati mehuse kanagu yatai kana'alo li huto nehanamofihi li huto nehanamofihi li huto hilata hi'ahana Hu'mau bu go he'mi'ehina yabe. To yatai ai asaga bona'i ma luto lu noepibe: Lenali foipana li huto nehana he'mi su helete komopatini i gelehe hilo.

Matiu 17:5

Ai kaga luto nohigo sopohi mone besa lo'ehinauba enele'mo samapahi bu'ehina. To ana soponuguti nogo mone ma luto huto hu'ehina: Ya'ma ai nibita hina pana'ni nohibe. Nani nipa'ni aitoga emilata nohube. Lenali kaga'a keheli emilo.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

2 Koliti 11:2

Nani lenali kumu yabe luto Hu'mau siko hulata nohina'mu yabe luto amuya mololata nohube. Lenali bo alobo suhi meko'ehina pa'i bala bulu tigo mino'ehina ana legi hite nehite bo monekomofito bilabe luto nani keya'i molo lepolo'ohuna ya'ma Kilisito nohibe.

Aposolo 26:20

Nani yata'a hapi fito Tamasiko hepa'alugu bona'i lu epiloto'ni alihi Yelusale bona'i lu epiloto to asaga Yutia kegi'a hepa'i ni'inalo ni'inalo lu epimofa'na huloto'ni to ana huto fegutoga bona'i hiti ma luto lu yege ho epi'ohuna: Lenali foipa fato fato suhi nehanamofihi he'mi su helete Hu'mamofitoga i behe hite bilete hetofa sunogo hite bona'i enubulo minalanauba mana'a huto hilibe.

Matiu 25:45

Ya lite loka henogo gihiti bouba ma luto lu epilube: Nani ma'naka luto lu nolepube. Musufalo bo nalalu'nigihi ma melugu enele'mo bati mehi'ahanaya nani'i nele'mo bati hite menehe'me'ahabe.

1 Koliti 9:5

Aposolo luga'a enali to Sipi Bomofihi gonamu tamu'a hiti to Pita enali ana'i yagapana'ani hiti mono foyalo bilata nehago nose'na epilata nehabe. To lali ana suko huto lihati hiti mono foya lilutamoya nose'nati menimilana yamofihi bati hilifihe? Bati mehilibe.

Matiu 12:49

Ya luloto Yesu koko pana'amagi nehanalo bu goloto enali kumu lu'ehina: Lenali bu galo. Ito'nigi to nogona'ni ma li nupa hite nehabe.

Matiu 13:1

Ana yupahi Yesu ana nohi he'miloto nagami hefuhu beletoga buto metoga minoloto boana'i kaga enelepilube'mu hu'ehina.