Biblia Todo Logo
Bib sou entènèt

- Piblisite -




Matiu 12:46 - Ka Lamana'a Monoꞌi Lu Mu Tifiꞌehina Ka Yabe

46 Yesu babu boana'i kaga lu epito nohigo ito'afi hiti gona'a hiti aitoga e'ahana. Bona'magi Yesuhi le'mo bego hi'ahago enali enemegesaga nehite Yesuhi kaga lu emilune'mu nohune lite bona'i enoloka he'ahana yabe.

Gade chapit la Kopi




Matiu 12:46
26 Referans Kwoze  

Yafa lolo huse bomofihi pana'amo nohifi fato bobe? Maliau ito'afu nohifi fato pana'mofihi ito'afube? To Yemesiu, Yosefeu, Simoniu, to Yutasiu ai gona'amo nehafi fato bomofihi enogona'ani nehabe?


Ya'manana su holago Yesuhi ito'afu yagi gona'a hiti to pana'alobo'a hiti Kapaneami hepato limite lugufa kana mine'ahana yabe.


Ai'a gonamu tamu'amagi keheli sepa mei'ehite ya'ma kaga li ete'ahana yabe.


Ya higo Yesuhi gonamu tamu'amagi ma lite lu emi'ahana: Kai ma hepa'i he'mito Yutia kegi'a bitogo pana'alobokamagi yatai nolita foya bu galabe.


Ya'ma bo asaga'i enali komopa'ani monetoga melete li nupa hite numuna hite minelata hi'ahana. To ana'i luga'a hiti to Maliau Yesuhi ito'afi hiti to gonamu tamu'a enali ana hite moneko ete li nupa hite nunumu hite mine'ahana yabe.


Ai nohi gise lili'nalo bo nohina, ai fa'mene Maliahi pana'a nohina yabe. To Yemesigi Yosesegi Yutasigi Simonigi enogo'anifu nohibe. To etali'agi mana hepatiga nehana yabe. Ai hepatilo bo nohinaya ya'ma ka nolina'a hiya'agati keheli'ehibe?


Ya huto nohu'igo aposolo bo luga'a bu meenogobe. Sipi Bomofihi gona'a Yemesihi ya'ma aigo bu go'ohuna yabe. Yana bona'magi aposolo nele'mo ho meti'ahanagi Hu'mau ai'ago nele'mo ho ti'ehina.


Aposolo luga'a enali to Sipi Bomofihi gonamu tamu'a hiti to Pita enali ana'i yagapana'ani hiti mono foyalo bilata nehago nose'na epilata nehabe. To lali ana suko huto lihati hiti mono foya lilutamoya nose'nati menimilana yamofihi bati hilifihe? Bati mehilibe.


Ya luto lulago alina'a Yesuhi gonamu tamu'a fulu kana lifupa nehanalo abilago ai fato'i mone yupahi enemege'i bu'ehina. Ai huto'i mebu'ehina fala kito suguna'i bu'ehina yabe.


Etali ito'afugo afo'afugo Yesuhi mono nonugu nohigo bu gelete topa hete ligo ito'afu kehe ito lu'ehina: Pana'ni kai henabe luto ya'ma suhi nohane? To kai ya hanogo le'ali le'elesati'a ligo kai kumu'i higo sa sa nohu'ibe luto ligo,


Ya hite loka nehago Yesu ma luto lu epi'ehina: Hu'mau ai'a suguna ka hapa'a alu lepi'ehibe. Ya hu'ehina luga'a boana'i enali bame kagutiko lu noepune ya hulenogo enali gili gili hilete be megalabe to enekesatu'i keheli lanaya ka mana melilana'mu yabe.


To, katamo tafa loto pekene hulenogo enali yuhufa katatu li bati hilune lite nehe metibe. Ya hatita aku'i yuhufana nesi notago tafana'a hilune lite menehetibe. Ya hatita aku'i yuhufana nesi notago tafana'a heti'ehina kapolo i lala bitita'mu yabe.


Ya ligo koko pana'amagihi Yesuhi ito'afu ma luto lu epi'ehina: Lenali ai kaga lu lepilinamofihi mege'i malalo.


Etali Yesuhi ito'afugo afo'afugo Simioniu Yesu kumu lina kalo etegekesa yigi babu li'aha'ina.


Galili kegi'a Kena hepato loegi monegi yege minoloto bo alobole loemo etayanugu li'aha'ina. Bo alobole etayanugu li'ina nonugu Yesuhi ito'afu mino'ehina.


Ya hilete aku'i he'mito ago etali le'mete moneka Nasalete hepato bi'ahana. To kaga'atiti etabaga liyafa huto mino'ehina yabe. To ito'afu asaga ya'mana kaga komopa'agu li moloto ai mino'ehina.


Ho tito pana'i hiti ito'afi hiti etele'moto Isilaeli hepatoga aku'i bubo, enali pana'i halune'mu sa sa hi'ahana bona'i yatai afili'ahabe.


Enali ana nonuga tilete ana pana'i ito'afihi Malia hiti neha'igo enali enalapusa fi emilete mono ka li etete hilete sisaku gu'aniguti hetofa hatofana hefite emi'ahana.


Yesu huto hu'ehinamofihi kaga'a ma huto ni'ibe. Ai ito'afu Malia, ai Yosefe hiti li alobole hilu'ibe lite kehelite mine'aha'ina. Ya hu'ehina etali li alobole hite yafi gofa hete etayanugu meli'aha'inamo Maliau molo kehelina Sikalafu'uba ailugu minago yagapana'i ketalube'mu hu'ehina yabe.


To Yesu malipu yafa'alo nekisa'aga ito'afu ho tito mino'ehina. To ana hite bo mone'mofihi gi'a Kolopasi, ai'i liha'a Maliagi to Magatala hepato a'i hiti, Maliagi enaliya nehana.


To nani hena hu'ohugo Sipi Bo'nimofihi ito'afu nanitoga noabe, luto Elisapetiu lu'ehina.


Ya lago mone bouba ma luto Yesuhi lu emi'ehina: Itokafi hiti kogonaka hiti kaga li kimilune'mu ema fegutoga ho ti'ahabe.


Simioniu lusa gi etimito ma luto pana'mofihi ito'afitogo Malia lu emi'ehina: Kehelibo. Ma pana'i ai babu Isilaeli bona'i luga'a enele'mo melugu malalina'mu yabe. To ai ana huto babu bona'i luga'a enele'mo ho tilina'mu yabe. To ai Hu'mamofitogati mone babeyafa'a legi huto huto minalina'mu yabe. Analo'i babu bona'magi ka sibina'a li etalana'mu yabe.


Swiv nou:

Piblisite


Piblisite