Matiu 12:45 - Ka Lamana'a Monoꞌi Lu Mu Tifiꞌehina Ka Yabe

⁴⁵ To ya huto ni'igo ana noha'a bu goloto ai aku'i ana noha'aguti heleko limito buto sebeni'a foipa fele enele'moto ago ana noha'agu minelata nehabe. Koyapa'i ana bo nesi'a bati huto minolata hinamo yatai babu foipa fele ete ai gufagu bai tago ana bomoya foipa loto bati mehulata nohibe. To aku'i su holotomo ema afetogati hapi fito tilata nohibe. Yatai kanalo foipa bonatoga ya'ma suhi luto huto hilina'mu yabe, luto Yesu lu epi'ehina yabe.

Matiu 12:45 Referans Kwoze

Luku 11:26

To ya hu'ehigo ai aku'i ana noha'aguti heleko limiloto buto nayahi mone kegi'a su hago mone kegi'ati loemo heleko malago foipa fele enele'moto ago ana noha'agu minelata nehabe. Koyapa'i ana bo nesi'a sibina huto minolata hinamo yatai babu foipa fele ete ai gufagu minago aimoya mone'na suhi huto foipa gofana loto sibina bo minolata nohibe, luto Yesu lu'ehina yabe.

Maki 5:9

To ya ligo Yesu: Kigika ho nimibo ligo ai: Nigi'ni Yege yege'nao yabe, luto'a, lali yege yege fele nohutagihe, luto lu emi'ehibe.

Maki 16:9

To Yesu, fuli yupahi su holago, etehi folugu'i fili'ehinaguti ho ti'ehina yupahi ai yata'a Malia Magatala a'mofihi bulo huto hu'ehibe.

Hibulu 10:39

To lali amuya memolose kosele kasele'i hoto minaluta'a to i behe huto tafa kapomofihi nasana lolo mehiluta'mu yabe. Lali ya'ma kehelito amuya moloto lemehi emito lubuto bilatanamofihi nasana ya'ma lilune.

Matiu 23:24

Lenali lenubu pisi lina bo bona'i kapo enelepilune'mu nehafihe? Lenali guya nose'nagu ume'ume'i noagomo hesi nehe'mite to kameli yaga noagomo lenali fa'mene asaga'i mikili helata nehabe.

Matiu 12:24

Ya nelago Felosi bona'magi kehelilete ma lite li'ahana: Ai foipa fele li nohe'mi epalanaya foipa felemagihi sipi bo'ani Bielesebulu amuya emi'ehigo nohibe.

Efeso 6:12

Lenali ya'ma akeheli'ahabe. Lali fa'mene lugufa hiti bona'magita luba sabo menohune. Metepu kapo kaba nehana to Satahi kaba bo'a hiti enikibina bo sipi'a to sipi bo amuyana'a nehananamagi to foipa kene'i samahi tito kokuluma megesa'aga neminana enali luba li huto hu limilata nehabe.

Matiu 23:15

Keya kaga kehelise bo hiti Felosi bo, lenali ehetinio. Lenali loe kaga lulata bo lenabaga kaba hilo. Lenali koko boti lilune lite mone bo ai mono kagatimofihi mege'i malalibe lite hege nagami beletoga to hepato hepato sa sa hilata bo yabe. Ya hite, koko panatini le'meletemo aku'i lenali logo kapolo lenalitini suhi lite le'mo melelata nehabe. Ya hu'ehina ai lenebege ligito babu luto foipana'a nominabe.

Matiu 12:44

Nani he'mito o'ohuna noha'nigu aku'i bilube luto ekesa yigilata nohibe. Ya luto ekesa yigiloto i behe huto he'mito o'ehina noha'a le'mo bati hago gulu gulu luto ni'igo ana foipa feleuba bu golata nohibe.

Matiu 17:21

Ya hu'ehina ya'manamofihi foipa fele ho lifise kapo'a fato'i mone meni'ibe. To nose'na mo sito nunumu foya liseubago anasi ana foipa fele ho lifilina'mu yabe.