Matiu 12:35 - Ka Lamana'a Monoꞌi Lu Mu Tifiꞌehina Ka Yabe

³⁵ To hetofa bomofihi komopa'agu kaga bati'a babu luto minolata nohibe. Ya hu'ehigo ai hetofa sunogo hulata nohibe. To foipa bona'magi komopa'anigu kaga foipa faipa'a bai toto ni'igo foipa faipa'i suhi babu lite li huto hilata nehabe.

Matiu 12:35 Referans Kwoze

Kolose 4:6

To lenali kaga nelanaya ka laga'a hiti fulu'a hiti lite neminenogomo enali ka kehelilabe. To enali mone kaga lenoloka nehenogomo ka'anilo nona'a bati hite aku'i lu epilabe lite kehelilo.

Kolose 3:16

Kilisitohi hetofa hetofa kaga'a komopatinigu mineno. Keheli bati hite ai ka lepinogo ai ka lepinogo hite minalo. To Hu'mamofihi gepohi lite yege fise nama litetini to Sikalafu'i komopatinigu lepi'ehina nama litetini laga hina nama ya'ma lite Hu'mamofitoga ana nama asaga'i lilo.

Matiu 12:34

Lenali foipa osifa'mofihi yagapana'a nehabe. Lenaliba hena hite bati ka lilana'a huto ni'ibe? Lenali foipa bona'i yabe. Asaga foipa foipa kaga bomofihi komopa'agu bai toto nina kaga'a ai baga'aloti huto hulata nohibe.

Efeso 4:29

Huli ka mone lenabagaguti mone melilo. Kaga lamana'a lite ai he'menogo ai he'menogo hilana kapomo sa hi lepalalana ka linogo enali katini kehelilana bona'i luga'a keheli bati hinogo enele'mo bati hilanagihe.

Matiu 13:52

Ya lago Yesu lu epi'ehina: Ya hu'ehigo asaga keya kaga enelepise bona'i enali kokulumamofihi kapo'alo kaga'mu enelepise lite akeheli su he'ahabe. Enali sipi nohi mone'mofihi afo'a legi hite nehabe. Ai situa noha'agu tiloto yuhufana hiti tafana hiti li munu munu huto lito fegutoga limilata nohina suhi lite nehabe.

Matiu 7:17

To bati huto mesebe lele tele huto tilata nohina yafauba legeya'a bati huto sipina holata nohibe, to numutopa loloto sako bako logo huto lilata nohina yafauba legeya'a sibina huto lagaso'asi holata nohibe.

Luku 6:45

To hetofa bo mone'mofihi ka kehelise'na'a babu lito ipagu hetofana minolata nohibe. Ya hu'ehigo hetofa sunogo li huto hulata nohibe. To bo sibina'amofihi ka bati mehina'a babu lito ipaguti huto hulata nohibe. Ya nohigo bati mehina suhi li huto hulata nohibe. To yaka'mana kaga enipagu bai toto nominana enabagaguti tito bulata nohibe.