Matiu 12:27 - Ka Lamana'a Monoꞌi Lu Mu Tifiꞌehina Ka Yabe

²⁷ Lenali nani kumu'i Bielesebulu amuya nimigo foipa fele li he'mi he'mi nohibe lite nelafihe? To yagapanatinimagihi kuyu'afu enehe'moto amuya epigo foipa fele hesi he'milata nehabe? Ya hi'ehite enali'ani yasi bo lolo hite nehite ya'mana kagatini loko hite kehelilabe.

Matiu 12:27 Referans Kwoze

Romu 3:19

Lali mana keheli'ohune. Bona'i moneuba keya kaloga mege'i nomelenogo ana keya kauba le'malibe. Ya hu'ehigo ana bouba nani lamana bo nohube luto ekesa kehelilina meni'ibe. Ya'ma keya kauba melugu bona'i yege yege'magihi hapa'ani bati mehu'ehina yabe luto enabaga'ani yanauba hekini lo'ehigo Hu'mau kaga'ani loko hilina'mu yabe.

Luku 11:19

To ma'naka luto Bielesebulu amuya emi'ehigo foipa fele li he'mi he'mi nohibe lite nekehelina to kiyi'afu panatini enehe'mago foipa fele li he'mi he'mi nehabe? Ya hu'ehigo enali'ani panatinimagi yasi lolo hilete katini li loko hite kehelilabe.

Luku 19:22

Yalo gihiti bouba ana lili'nalo pana'a ma luto lu emi'ehina: Kai bati mehata lili'nalo pana'i yabe. Kaika kagakamu ka foyagu kele'mo malaluna'mu yabe. Nani'ya bo nohuto'ni bona'magi ana'ina'ani nolito to nose'na foya'anigu hekele'ahana yana'ani lilata nohuna bomo nohube. Keheli'ahapi, ya?

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Matiu 9:34

Ya nelago Felosi bona'magi ma li'ahana: Ai foipa felemagihi kaba bo'aniuba amuyana emigo foipa fele li nohe'mi epalabe, lite li'ahana yabe.

Matiu 10:25

To sukulu pana'uba tisa bo'a lolo hilina bati huto ni'ibe. To koko pana'uba sipi bo'a lolo huto minalina bati huto ni'ibe. Nani afotinifita enali foipa felemofihi gi'a Bielesebulu nanitoga mele'ahana suhi hite lenali'i ana hite babu lite foipa lenigi halana'mu yabe, luto Yesu lu epi'ehina yabe.