Matiu 12:23 - Ka Lamana'a Monoꞌi Lu Mu Tifiꞌehina Ka Yabe

²³ Ya higo enali le'mo bego hite babu boana'i minanamagi be gelete topa helete ma lite li'ahana: Ya'ma boba Tebitihi pana'mouba nohifi fato bobe?

Matiu 12:23 Referans Kwoze

Matiu 9:27

Yesu ana hepa'i he'miloto kapo moloto nobigo etubu pisi lu'ehina bo loemale'i mege'i lifite nebite ma lite li'aha'ina: Tatatifu Tebitihi pana'amaka kai le'ali'i kiginaga fi le'emibo lite kehe i'aha'ina yabe.

Yoni 4:29

Nani koyapa'i lolo hu'ohunana lu hokolo huto lu nimi su nohana bo lenali bite bu galo. Ai Hu'ma ho lifi'ehina bo Mesia nohifi fato bo nohibe?

Matiu 21:9

To enali kohe toga bana bona'i hiti to alihi bana bona'i hiti ma lite kehe napa i'ahana: Tebitihi Pana'a yege filo. Sipi Bomofihi gi'alo ma noana bomofihi Hu'mau lusana emilibe. Hu'mamofihi lenegelo bi emilo. Ya lite babu boana'magi kehe napa ite li'ahana yabe.

Matiu 9:33

Ya hago Yesu ana foipa fele li he'mi etago ana bouba kaga hapi fito lu'ehina yabe. Ya higo asaga boana'i topa hete enekesa yigi babu lilete ma lite li'ahana: Koyapa'i Isilaeli melugu ya'ma huse'na huto higo bu mego'ohuta suhi huto hibe, lite li'ahana yabe.

Matiu 15:22

Kena a'i mone ana kegi'a nominana a'uba Yesutoga o'ehina. Tebitihi pana'abe. Ai ya luto kehe i'ehina. Kai kiginaga fi nimibo. Foipa feleuba pa'nimofihi le'mo sibina nohinagi nehe'mobo.

Matiu 7:28

Yesu ya'mana kaga alu su holago asaga li nupa hite minana boana'i Yesuhi kaga'a kehelilete keheli fato fato hite sipi enelesa'ani lu'ehina yabe.