Matiu 12:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Yesu ana kaga'ani akeheliloto ana hepa'i he'miloto nobigo babu bona'i mege'i lifite bi'ahana yabe. Ya nehago enebesi'ehinana'ani li he'mi su ho epolo'ehina yabe.

Matiu 12:15 Referans Kwoze

Matiu 10:23

To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Yoni 11:54

Yana'mu Yesu Yutia metoga folaganugu kapo memoloto anagati he'mito mone hepa'i gi'a Efelemu ka metoga lebato'i ana hepato buto minoto pana'alobo hiti mine'ahana yabe.

Yoni 7:1

Ana kaga su holago Yesu Galili kegi'a kapo moloto bu'ehina. To Yuta bona'i Yutia melugu nehanamagi kofohi legete ho fililune li'ahana'mu luto ana kegi'a mebu'ehina yabe.

Matiu 19:2

Ya nobigo babu boana'magi mege'i melelete anaga neheti'ahana. Yesu analo'i enebesise bona'i enele'mo bati hu'ehina yabe.

Maki 6:56

To Yesu fato fato hepatoga asaga'i lagaso hepatogafi sipi hepatogafi kifi hepatogafi nehetigo, enali epesi'ehina bona'i aitoga enele'mete maketi hepa'i ke epalago Yesuhi buka tiba tiba hite mine'ahana. Ai kata'a nekisa'asi bako hulenogo fa hu lepalalinagihe lite enegekesa kehelite ukimi ukimi hite loka he'ahabe. To kata'a bako hi'ahana bona'magi epesi'ehinana fa hu epoloto enugufa'ani ye ko'ehina yabe.

1 Pita 2:21

Lenali ya suhi hilabe luto elesa molo lepi'ehinamo ni'ibe. Kilisitou ai'a ana suhi huto lenali kumu yabe luto keke'i luse'namofihi gupisalo tito minoto lenele'mo kohe to'ehinamo ni'ibe. Lenali ya hu'ehina'mu lite mege'i melete bilo.

Galesia 6:9

Ya huto ni'igo ana'ina lamana'amu ya'ma kosele'i mehose amuya moloto lito ho tito hilune. Buto kosele'i melahalutamofihi Hu'mau molo'ehina kana'alo minoba minoba huse nasana li huto hilutana yamofihi legeya'a lilune.

Yoni 9:4

Lali yege lenogo noho lifi'ehina bo afo'nifihi lili'na'a lilata nohune. To sinihi ginogo bona'magi lili'na melilune'mu nehabe.

Luku 6:12

To ya'mana yupahi Yesu nunumu hilube'mu kosa monelugu tiloto Hu'mamofitoga nunumu hu emi'ehina. To nunumu huba huba nohigo sinihi gito go'i lu'ehina yabe.

Luku 5:22

Yesu kaga nelana akeheliloto lu epi'ehina: Henabe lite lenali lenekesagu kaga fato fato'i lenipaguti notibe?

Luku 9:11

Yege yege bona'i Yesu ya huto nobibe lana'a kehelilete mege'i lifite bi'ahana. Ai enebe tigito Hu'mamofihi kapo kumu'i kaga lu epito epesi'ehina bona'i enele'mo ye ko'ehina yabe.