Matiu 11:28 - Ka Lamana'a Monoꞌi Lu Mu Tifiꞌehina Ka Yabe

²⁸ Lenali ketana kofilete ketatini'mu kosele'ise bona'i nanitoga ete lenabasu bilo.

Matiu 11:28 Referans Kwoze

Matiu 11:29

Ya'ma yafa nani nigi'nagu nina lenali lite lenali lenigi'nagu malalo. Lenali nani hapa'ni lilo. Hena'mugope nani fulu fulu kaga bona'i lu noepuna bo nohube. To koyone huto legeso huto nominona bo nohube. To lenali komopatinimofihi nanitoga ete le'mo basu bilo.

Yoni 7:37

Fuli kana lifupa nehanamofihi su hose yupahiya Yuta bona'magihi sipi kana'a yabe. Ya'mana yupahi Yesu ho tito kehe sipi ito lu epi'ehina: Mone kene'mofi nagami kumu nobesilina nanitogati oto neno.

Yoni 6:37

Asaga bona'i nani Afo'nifu nimilinamagi nanitoga alana'mu yabe. To nanitoga alana bona'i enubunepa ito enele'mo mehe'miluna'mu yabe.

Galesia 5:1

Naga'i melepinogo minalabe luto Kilisitou ai'a gulu ho leto'ehinamo ni'ibe. Ya hu'ehina'mu bona'i luga'amagihi enali Mosehi keya kamofihi nagalugu aku'i lenele'mo melenogo kele kele'i hi etalabe lite nelinogomo o'e lite amuya malalo.

Huto Hilina Ka 22:17

Hu'mamofihi Sikalafu'a to ai sipisipi nala'amofihi liha'a hiti: Kai obo, lilete nela'ibe. To luga'amagi ka'a ya'ma kehelilete ana hite ma lite lilabe: Kai obo. Luga'amagi minoba minoba nasanamofihi nagami kumu noepesinogomo magati ete hefite nalabe. Enali nalune litemo ete magati nagami'i mina'a meni'ina, fa'mene nalabe luto: Nanitoga alo, luto Yesu ya lu'ehina.

Matiu 23:4

Enali kaga lu keta fi epilete enali'ani mino saga hi'ehite enayatu meenehe'melata nehabe.

Hibulu 4:1

To ya'ma minoba minoba hepato bu nehetilabe luto Hu'mau lu leto'ehinamo ni'ibe. Yamofihi kaga'a lu molo'ehinana su mehalube'mu hibe. Ya'mu lenalitogati kegi'a moneubafi moneuba ana kapogu buto tele bi haya kolo lalibe luto lelesati linagi kaba hu bati hilo luto nolune.

Aposolo 15:10

Ya hu'ehinaya lenali yatai hena hibe lite Hu'mamofihi fi taga hi etalune'mu nehabe? Lenali Hu'mamofihi mege'i malalune'mu nehana bona'i ketana enemegesagu ligo mefi epalalo. Koyapa'i tatatigi hiti to laliti hiti ana ketana kofito mebiluta'a hu'ohuta yabe.

Aposolo 20:35

Nani ya huto asaga yupahi sipi lili'na lito lenelepi'ohuna ya'ma lali asaga lili'na amuya menehana bona'i he'moto lilata suhi huto minolata ya'ma lenelepi'ohube. Sipi Boti, Yesu ai'a ma lu'ehina: Ana'ina lilata bati mehibe. To ana'ina fato bona'i epilata ya bati huto komopakagu gelo bilana yabe luto lu'ehina. Lali ya'ma ka'a beto huto bati huto nominone.