Matiu 11:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ai ekesa'a ni'ilina bouba keheli bati hino.

Matiu 11:15 Referans Kwoze

Luku 8:8

To luga'a me'i nogoya hiti bati huto ninalo limo ina bati huto polo felana hofa toloto nose'na legeya'a babu luto legeya ho'ehina yabe. To Yesu molo emiloto ma luto lu epi'ehina: Kehelilo. Lenekesa ni'inogomo ya'ma ka keheliya ilo.

Matiu 13:9

Ya luto lu epiloto Yesu lu'ehina: Lenali lenekesa ni'inogomo keheli bati hite kehelilo.

Maki 4:23

Lenegekesa nina bona'i ka kehelilo.

Matiu 13:43

Ya'mana yupahi Hu'mamofitoga komopa'ani melete minalana bona'i enalitoga yege legi huto Afo'anifihi hepa'aloti fi besa lo epalalina'mu yabe. To lenali bomagita lenekesa ni'inogomo keheli bati hite kehelilo.

Huto Hilina Ka 3:13

Sikalafu'uba Hu'mamofihi yagapana'a li gehesa hi'ahanamagihi ka'a ya'ma luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 2:7

Sikalafu'uba Hu'mamofihi yagapana'a li gehesa hi'ahana ka'a lu epito lu noepina ya'ma enegekesa hokolo hinogo keheliya ite kehelilabe. Luga'a enali mono ka amuya melete bite Satahi luba'a be ligilana'amagi ya'ma mefilise minoba minoba hilatanamofihi legeya'a Hu'mamofihi foya'agu biha'a ni'ina ya'ma nalabe luto keheli epilube luto nolube.

Luku 14:35

Ya'iya hina hege foyagu tili hilana foya le'mo bati mehilina'mu yabe. To yagamagihi si'ani hiti li nupa mehilata nehabe. Fa'mene li he'milata nehabe. Lenali yalo kehelilo, lenali lenekesa ni'inogomo keheli bati hite kehelilo, luto Yesu lu epi'ehina yabe.

Maki 4:9

Ya hu'ehina fono ka yabe. Lenegekesatini ni'ina bona'i ka keheli fe lilo.

Huto Hilina Ka 2:29

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 3:6

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 2:17

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe. Luga'amagi mono kagu ule'ale hite bite Satahi luba'a be ligilana'a ya'ma fala kito nose'na legeya'a mana yabe luto kokulumaguti limi'ehina nose'na epilube'mu hube. To kala efahi hapa'a ya'ma eto eto huto epilenogo yalo'i gi'a fayahi kosaba'i minenogo efapofihi afo'afu ai'asigo kehelilube'mu hibe luto nolibe.

Huto Hilina Ka 3:22

Sikalafu'i yauba Hu'mamofihi yagapana'a li gehesa hi'ahanamagihi ka'a ya'ma luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 2:11

Sikalafu'uba Hu'mamofihi yagapana'a li gehesa hi'ahana ka'amofihi lu noepina ya'ma enegekesagu hokolo hilina'amagi ya'ma keheliya ite kehelilabe. Luga'amagi enali helebole hite bite Satahi luba'a be ligilana'amagi ya'ma alihi fililata nasanauba aku mone enele'mo sibina mehilibe luto nolube.

Maki 7:15

Ana'ina asaga'i bomofihi komopa'agu limilina'a meha'a le'mo sibina mehilibe. Aku'i ai'a komopa'aguti tilina'a ya'ma meha'a le'mo sibina hilina'mu yabe.

Matiu 11:16

Yatai kanalo boana'i henanalo lu malalube? Enali yagapana'i hepa'i folagaha'agu luga filete nehite luga'a yagapana'i kehe ite ma lite lu epilata nehana suhi lite nehabe:

Huto Hilina Ka 13:9

Lenegekesa hokolo hu'ehinamagita ya'ma keheliya ite kehelilo.

Maki 7:16

Lenegekesatini nina bona'i ka kehelilo.