Matiu 10:7 - Ka Lamana'a Monoꞌi Lu Mu Tifiꞌehina Ka Yabe

⁷ Lenali bite kaga ma lite lu epilo: Kokulumamofihi kapo'a anasi a'o leba notabe.

Matiu 10:7 Referans Kwoze

Aposolo 28:31

Ai Hu'mamofihi kapo'amofihi kaga'a lu yege ho epito Sipi Bo Yesu Kilisitohi kaga'a enelepito amuya kaga lu epilata higo bo moneuba kaga'a mone i laga mehu'ehigo Polu anaga mino'ehina yabe.

Matiu 3:2

Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

Luku 9:60

Yesu ma luto lu'ehina: Kai he'mitogo filise bona'i suhi hite komopa'ani menimise'namagi fili'ehina bona'i keli halabe. Kai buto Hu'mamofihi kapo'a kumu lu yege homofa'na hubo, luto Yesu ana bo lu emi'ehina yabe.

Matiu 4:17

Ya'mana kanaloti hapi fito Yesu mono ka ma luto lu epi'ehina: Foipanatiniguti komopatini i gelehe hilo. Kokulumamofihi kapo'a anasi a'o leba to'ehibe.

Luku 16:16

Mosehi keya kaga'a hiti to lu huto huto bona'magi kaga keye'ahanana hiti Yonihi kanalo mino bati hu'ehina yabe. Ya hu'ehina Yoniu minana kana'aloti oto oto yatai ya'ma yupahi Hu'mamofihi ka lamana'amofihi kapo'a asaga hepatoga huto nohibe. Ya nohigo asaga bona'i amuya melete peninite Hu'mamofihi ana kapo'alo li hokolo hite bilune'mu nehabe.

Luku 9:2

Ya huloto ai Hu'mamofihi kapo'a kumu bite ka lu yege nehete enebesise'na li he'mi he'mi hilabe luto enoho lifi'ehina yabe.

Maki 6:12

Ya ligo, enali loemo loemo hite bifa hi'ahabe. Asaga hepatoga bite: Komopatini i gelehe hite foipanatini li he'milo, lite kaga lu epi'ahana yabe.

Aposolo 10:25

Pitau Koniliasihi noho kasito buho notigo Koniliasiu bu goloto gigusagu lipito koto be tigi'ehina.

Aposolo 4:2

Yesu fili'ehinagati aku'i ho ti'ehina ana suhi lite asaga filise bona'i aku'i ho tilana'mu yabe lite boana'i lu epite neha'ina'mu enali enitaluga logo bi'ehina yabe.

Yoni 3:2

Mone yupahi ai sininugu Yesutoga oloto ma luto lu emi'ehina: Tisao, kai Hu'mau koho lifigo limi'ahata babafi nohataya lali akeheli'ohune. Kai lusi lili'na nolita'a huto mone kene'uba melilina Hu'ma aitoga mino hetofa hulenogomo yabe.

Luku 9:6

Ya luto Yesu pana'alobo'a lu epololago enali asaga hepato hepato bula ola hite ka lamana'a lu yege hete lu epimofa'na nehite epesina bona'i enele'mo ye komofa'na hite asaga kapoga bula ola hi'ahana yabe.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

Matiu 21:43

Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.

Matiu 21:31

Yalo lenali lu nimilo luto Yesu lu'ehina: Ya'ma loe pana'male'i kuyu'afu afo'atitifu lu etimina kagalo mege'i molo'ehibe? Ya ligo enali Yesuhi lu emi'ahana: Yege pana'auba yabe lite, ya lago Yesu ma luto lu epi'ehina: Nani lusiga luto lu nolepube, takisi efahi nelina bo hiti to mokolo ana'i hiti enali kohe tete Hu'mamofihi kapo'agu nebabe.

Matiu 11:1

Yesu nayaha'ni su hago nigigusaga loemo leheko malago koko pana'amagi lili'na lilana kaga alu epi su holoto ana hepa'i he'mito ana kegi'a hepa'i nila nila hu'ehinalo bula ola huto boana'i kaga lu enelepito to hetofa kaga lu yege homofa'na hu'ehina yabe.

Matiu 10:8

Lenali enebesise bona'i enele'mo ye kalo, to fili'ahana bona'i enele'mo ho tilo, to sipi enehepuhi lo'ehilina bona'i ana enehepuha'ani li gololo ti epalalo, to foipa fele li he'mi epalalo. Lenali mina melise nelinagi ana hite mina'a melise lu nolepuna suhi hi epalalo.