Matiu 10:37 - Ka Lamana'a Monoꞌi Lu Mu Tifiꞌehina Ka Yabe

³⁷ Bo moneuba ito'afinogo afo'afinogo etele'mo bati nohuto nani'i nele'mo bati mehilina bo ai nani'i nalalu'nifu legi huto meminalina'mu yabe. To bo moneuba liha'a yagapana'a enele'mo bati huloto nani'i nele'mo bati mehilina bo ai nani'i nalalu'nifu legi huto meminalina'mu yabe.

Matiu 10:37 Referans Kwoze

Luku 14:26

Bo moneuba nanitoga o'ehilinaya ai ito'agi afo'agi etali'agi to gonamu tamu'a to ai'a meha'amofi gufa'amofi ya'ma enalito megesa hu meepi'ehilina ai ana bouba nani koko pana'ni lolo mehilina'mu. To ana huto ai'a gufa'a laga besilina bona'i nani koko pana'ni lolo mehilina'mu.

Matiu 22:37

Ya luto Yesuhi loka hago Yesu ma luto lu epi'ehina: Sipi bo ai Hu'makafu yabe. Kai asaga kugufaka hiti kemehaka hiti kekesa yigise'naka hiti to asaga komopaka Hu'mamofihi aisigo emi su hobo.

Luku 21:36

Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

Matiu 22:8

Ya huloto gihiti bouba koko pana'a kehe iloto ma luto lu epi'ehina: Ana kata huse nose'naya laita huto li loloba hu'ohuta ma ninaya to bona'i kehe uta bona'magi hapa'ani bati mehigo meabe.

Yoni 5:23

To asaga bona'magi afo'afitoga enegelo bi emite gi'a li saga nehana'a hite Pana'amofihi ana hilabe. To mone kene'uba Pana'a agoya hu meemilina, ho lifi'ehina afo'afihi agoya hu meemilina'mu yabe.

Luku 20:35

Ya hu'ehina boana'i Hu'mau lamana nehana yabe luto ho tilabe lu'ehina enali alihi kana'alo mine bati hilanamagi li bo alobo mehilana'mu yabe.

Huto Hilina Ka 3:4

To Satisi hepatoga bona'i nesi'a nehana lenali i kolo bise'natini oifa'i ilana suhi mehabe. To ya nehana'amagi minete koholi guketetinimofihi hapa'a lilete minalana nani hiti humofa'na hite minete lite hilana'mu yabe. Lenali ya suhi hilana bati hite minete nani hiti minalabe.