Matiu 10:35 - Ka Lamana'a Monoꞌi Lu Mu Tifiꞌehina Ka Yabe

³⁵ Nani fatehena li huto hilube luto limi'ohube. Bouba afo'afihi le'mo fateha'a lolo hilina'mu yabe, pa'animagi ito'anigihi fateha'ani enele'mo lolo hilana'mu yabe, to a'uba baha'amofihi ito'afihi fateha'a le'mo lolo hilina'mu yabe.

Matiu 10:35 Referans Kwoze

Matiu 10:21

Bomagi enali enogo'anigihi ka foyagu enele'me melete enoho fililana'mu yabe. To afo'afu pana'amofihi ana suhi luto ho fililina'mu yabe. To panana'animagi afo'anigihi ana hite fateha'ani enele'mo lolo hite enoho fililana'mu yabe.

Luku 21:16

Itokafugo afokafugo to kogonamu tamuka to kalalukagi hiti enali asaga'i fatehaka lolo hilana'mu yabe. Ya hilete monepi monepi lenoho fililana'mu yabe.

Maki 13:12

To ana huto, ya'ma kanagu gonamu tamu'a mone'amagi ai ho filinogo ai ho filinogo hite minalabe. To bona'i mone'amagi yagapana'ani enehe fililabe. To panala'i pana'magi mone'a ana hite ito'anigi afo'anigi enehe fililabe. Ana kanagu ya hite minalabe.

Matiu 24:10

Ya'mana yupahi babu boana'magi komopa'ani sibina hinogo enogo'anigihi enele'mete bite fateha'animagihi enayanuga nebite to enali'ani enogona'ani fateha'ani enele'moloto hilana'mu yabe.

Luku 12:53

Ya hite loko hilete afo'anifu panana'a enele'mo fatehi lolo nohinogo to pana'amagi afo'anifihi le'mo fatehi lolo hilabe. To ito'anifu pa'a enele'mo fateha'a lolo nohinogo pa'amagi ito'anifihi le'mo fatehi hilana'mu yabe. To a'mofihi lito'afu le'mo fatehi nohinogo ana a'uba lito'afi le'mo fatehi hilina'mu yabe.