Matiu 10:32 - Ka Lamana'a Monoꞌi Lu Mu Tifiꞌehina Ka Yabe

³² Bo moneuba Yesuhi pana'i nohube luto lu yege homofa'na hilina nani alihi ana huto Afo'nifu kokulumalugu nohinamofihi bulo'i gi'a lu yege haluna'mu yabe luto Yesu lu epi'ehina yabe.

Matiu 10:32 Referans Kwoze

Huto Hilina Ka 3:5

Luga'a enali mono kagu amuya melete mine lite bite Satahi luba'a be ligilana'a enali koholi gukete'animofihi hapa'a li bati hu epelenogo li ho kalalune'mu habe. To enigi'a ya'ma amuya enemehi hite minoba minoba nehana bona'magihi enigi'ani keye'ahana bukuguti kele lito mehe'milube'mu hube. Nani enigi'a to pana'ni nehabe luto ya'ma afo'nifihi bulo to agelomagihi enubulo lu huto malalube'mu hube.

1 Yoni 4:15

To bona'magi Yesu ai lamana'a Hu'mamofihi pana'a nohibe lite lu huto hilana'a enali Hu'mamofihi komopa'agu minalune'mu nehabe, to Hu'mau ana huto komopa'anigu minoto lito hilina'mu yabe.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

Huto Hilina Ka 2:13

Lenali hepa'i neminanamofihi hapa'a keheli'ohube. Yalo'i Satau kaba hu epalalina hepato nehabe. Lenali kaga'ni to nigi'ni li pili kete lite neminabe. To kaga'ni fala mekite nehago lu aku toto lu lepilata hu'ehina bo Atipasiu ai hepatini ya'ma Satau minoto lito nohina yalo ya'ma fili hoto lenali kana ya yupahi nani kumu keheli ule'ale ya'ma kete bi'ahanamo ni'ibe.

Yoni 9:22

Ito'afugo afo'afugo Yuta bona'i kumu koli nehite ya'ma kaga lu epi'aha'igo hena'mube? Koyapa'i Yuta bona'magi kaga lu laga hi'ahana: Bona'i moneuba Yesu kumu Hu'mamofihi le'mo ho ti'ehina pana'a nohibe luto linogomo yana'mu enali sipi mono nonuguti he'mi etete aku metilibe lite lu laga hi'ahana yabe.

Matiu 25:34

Ya hinogo'ni kibina bouba ai oloto nayahi lamaga'niga nehana bona'i ma luto lu epilina'mu yabe: Lenali alo. Afo'nifu lenele'mo bati hilibe. Koyapa'i ai kokuluma hiti me'i hiti lolo hu'ehina kana'alo Afo'nifu kapo'a li hokolo hu lepolo'ehina kapo lenali ete tilo.

Luku 15:10

To nani ana huto, ma luto lu nolepube. Foipa bouba sibi hapa'a he'mito to komopa'a i gelehe hinogomo, Hu'mamofihi agelomagi ya'ma bomofi kumu yege filana'mu yabe.