Matiu 10:28 - Ka Lamana'a Monoꞌi Lu Mu Tifiꞌehina Ka Yabe

²⁸ Ma melugu lenugufa'a lenoho fililafa to lenemehatini hiti lenoho mefililana bona kumu'i koli mehilo. Lenali Hu'mau ai lenugufatini hiti to lenemehatini hiti loe sana sana sipi logo kapogu lenoho fililina bomofihi ai kumuko'i koli hi etete minalo.

Matiu 10:28 Referans Kwoze

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.

Yemesi 4:12

Hu'mau ai'a keya ka lu huto huloto kaga'a mone'a hiti noluto guna molo letalube'mu nohibe. Ai'ago lubuto bilinamo ni'ibe to ai'ago lele'mo loko hilinamo ni'ibe. Ya nohinogo ya'ma bona'magihi hapa hapa'ani heletuya'a lilata nehana yamofihi lenali foyatini meni'ibe.

1 Pita 3:14

To lenali bati hite neminete to ginaga fise'namofihi gupisa'alo tilana'mu lenegelo bilo. Yamofihi Sipi Bouba keheli'ehinogo lenegelo bilana kehelilina'mu yabe. To luba li huto hu lepilinaya lenali nekehelite lenelesa nelinogo afoya foya meilo. To ana hite lenuluhaya metino.

Matiu 25:46

Ya linogo ya'mana bona'i enali enagabu ginogo minoba minoba hepalugu bite minalabe. To bati bona'a enali hetofa hepa'i minoba minoba hilana hepato bilana'mu yabe, luto Yesu lu epi'ehina yabe.

Hibulu 10:31

Yalo'i kana'a sipi yupahi minoba minoba huse bo Hu'mamofihi yanugu fololata nohuta ya'ma koli'a hiti nasana felana ni'ibe.

Matiu 10:26

Ya hu'ehinagi lenali bona'i koli mehi epalalo. Asaga'na fenene huto ninana alihi huto hi su halana'mu yabe. To asaga'na ifi toto fala kito ninana kugumatogago huto hinogo enali bona'magi bu galana'mu yabe.

Hibulu 11:35

Ana'i luga'amagi keheli ule'ale hina'mu yabe lite Hu'mau yagapana'ani fili'ahanaguti enele'mo ho tiloto aku'i ito'anigitoga enele'mo hepi'ehina. To bona'i luga'amagi osahi enehete kalana'i mele epele'ahana ya'ma mono ka he'minogo lenubuto bilupihe lite kalana'i li epi'ahana aliha'aga lamana huse'nagu ho tilune lite kehelilete fateha'animagihi kaga keheli he'mite fili'ahana.

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Matiu 5:22

Ya hu'ehina yatai aku nani lu nolepube. Bo moneuba gona'a ipakafa halina ai ka foya lilina'mu yabe. To bo moneuba gona'amofihi kaiya fa'mene bati mehina bo nohane luto ka emekilina kanisole bolo ho tito ka foya lilina'mu yabe. To bo moneuba gona'amofihi negi nagi noto bati mehu'ahata bo nohane luto ka emekilina aiya loba loba logo kapogu bilina'mu yabe luto Yesu lu epi'ehina yabe.

Yoni 5:29

To enali filise bona'i ya hite nogo'a kehelilete kene keliguti ho tilabe. Ya hilete enali bati foya li'ahana'amagi ho tite mino kosaba nehinogo to foipa foya li'ahana'amagi ho tite minago Hu'mau enifisa iloto ka foya li epalalibe.