Matiu 10:23 - Ka Lamana'a Monoꞌi Lu Mu Tifiꞌehina Ka Yabe

²³ To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Matiu 10:23 Referans Kwoze

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Aposolo 17:10

To ana folugu'i sinihi ginogo Yesutoga agoya hu emi'ahana bona'magi Polunogo Silasinogo Belia hepato mele'isi etoho lifi'ahana. Ya hago etali Belia hepato henetilete Yuta bona'magi mono li gehesa huse nonuga bite ti'aha'ina yabe.

Aposolo 8:1

Ya'mana kana'aloti fato bona'magi hapi fite Yelusale hepalugu Yesutoga komopa'ani molo emite neminana boana'i enegene mane ite neenahago tili tele hite Yutia kegi'a nebago Samalia kegi'a nebago hi'ahana yabe. Ya hana 12'a aposolo bona'i Yelusale analo mine'ahana yabe.

Maki 13:26

To yalo, Kokulumaguti limi'ehina Bouba amuya hiti nohuto to fana meha'a sipi besa nolago, ai sopohi hite aku'i kokulumaguti nolimigo, bu galabe.

Luku 21:27

Ya hulenogo analo Kokulumaguti limi'ehina Bo aku huto hilina'mu yabe. Soponugu lusi sipi amuya'a hiti fana mehena'aguti a'alina'mu yabe.

Luku 18:8

Nani lu nolepube, Hu'mau hololu luto enehe'malina'mu yabe. Ya hu'ehina Kokulumaguti limi'ehina Bouba aku'i alina yupahi ma melugu bona'i aitoga enipa molo emite keheli ule'ale hite nehinogo alina ni'ifi, ya mehilanabe?

Yoni 7:1

Ana kaga su holago Yesu Galili kegi'a kapo moloto bu'ehina. To Yuta bona'i Yutia melugu nehanamagi kofohi legete ho fililune li'ahana'mu luto ana kegi'a mebu'ehina yabe.

Matiu 26:64

Yesu ka'alo nona'a lu'ehina: Kai a'nolane. Ya hu'ehina lenali asaga'i kaga mone lu lepilube. Yatai hiti to aliha'a yupa hiti Kokulumaguti limi'ehina Bouba ifo muya Sipi Boti Hu'mamofihi yahi lamaga'aga minoloto kokulumamofihi sopoha'alo aku alina'mu yabe.

Matiu 24:30

Ya'mana yupahi Kokulumaguti limi'ehina Bomofihi gufa fayaha'a kokulumato huto nohinogo asaga boana'i ma melugu nehanamagi yibi hu baga ilabe. To Kokulumaguti limi'ehina Bo sopohi ifo'alo minoto noenogo bu galabe. To ai sipi amuya'a hiti to sipi fana meha'atu fi besa loto alina'mu yabe.

Aposolo 17:14

Ya nehago Yesutoga agoya hu emi'ahana bona'magi Poluhi mele'isi le'mo he'migo hege nagami beletoga limi'ehina. Ya nohigo Silasiugo Timotiugo etali Belia hepatoga mine'aha'ina.

Matiu 25:13

Ya hu'ehinagi lenali kaba hu bati hilo. Kokulumaguti limi'ehina Bouba aku alina yupahi to kana'a hiti lenali mekeheli'ahabe.

Matiu 24:48

To ai bati mehina lili'nalo pana'i nohutomo ai ma luto lilibe: Sipi bo'ni mele'isi i behe huto meabe.

Matiu 24:27

Sopohi fi besa lolata nohina lenali akeheli'ahabe, ya'mana kegi'ati yege tiloto oto mobuto limi fololata nohinaga limi nofalabe. Ana suhi huto Kokulumaguti limi'ehina Bouba nani aku alube'mu hiluna yupahi aluna'mu yabe.

Matiu 23:34

Ya hu'ehinagi lenali kehelilo. Nani kaga lu yege hose bo luga'a hiti, to lataha'anigu kaga bati huto ni'ilina bo hiti to mono ka keheli bati hi'ahana bona'i hiti lenalitoga enoho lifinogo'ni bilana'mu yabe. Enali folagaha'aniguti luga'a enoho fililabe, to luga'a malipu yafalo enahalabe, to luga'a mono nohatinigu nehinogo naga osatu'i enibi yigilana'mu yabe. To lenali mone hepatoti enele'mo he'minogo fato hepalugu netinogo enegene mane ite enele'mo fato hepato malalana'mu yabe.

Matiu 4:12

Yonihi naga foyagu le'mo malabe lite lana'a Yesu akeheliloto ai Galili melugu bufa hu'ehina.

Matiu 2:13

Enali abilago Hu'mamofihi agelo'auba Yosefehi bamu'i hu bulo mololoto ma lu emi'ehina: Ho tito pana'i hiti ito'afi hiti etele'moto koli huto Iyipi melugu buto nohitogo alihi nani lu kiminogo'ni alane. Helotiu pana kumu sa huto halina'mu yabe.

Aposolo 20:1

To ya'ma kaga limito fililago Polu Yesuhi kaga kehelise bona'i kehe igo ago kaga luto enele'mo laga huto'a enebe tigito enalitogati he'mito bu'ehina. Ai Masetonia kapogu buto ana melugu neheti'ehina.

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Matiu 23:36

Nani ma'naka luto lu nolepube. Asaga ya'mana gumi'animofihi foipa mina'auba yatai ma nehana boana'i enali enugufalo huto hilina'mu yabe, luto Yesu lu epi'ehina yabe.

Matiu 24:34

Nani ma'naka luto lu nolepube. Yatai kana'alo boana'i mefilise nehinogo ma asaga'na huto hilina'mu yabe.