Matiu 1:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Yesu huto hu'ehinamofihi kaga'a ma huto ni'ibe. Ai ito'afu Malia, ai Yosefe hiti li alobole hilu'ibe lite kehelite mine'aha'ina. Ya hu'ehina etali li alobole hite yafi gofa hete etayanugu meli'aha'inamo Maliau molo kehelina Sikalafu'uba ailugu minago yagapana'i ketalube'mu hu'ehina yabe.

Matiu 1:18 Referans Kwoze

Hibulu 10:5

Ya hu'ehina'mu ya'ma Kilisitou melugu ma'asi limilube'mu nohuto afo'afihi lu emi'ehina ka'a ya'ma mono bukugu ma lite fayahi keye'ahanamo ni'ibe: Kuguhi koyo epilata ya'ma fato fato'mofi kumu lagaka mekebesigo ananamofihi kibita mehu'ehina. Ya hu'ahataya, nugufa lolo huto le'mo hetofa hu'ahatamo ni'ibe.

Hibulu 7:26

Yesu ya'ma lali'i mamufa gi leto'ehina bo sipi'a nohinagi lele'mo bati hulata nohina bo nokehelune. Ai pa sose foipana meni'ina komopa'a fi fana tago lamana bo ai foipana nasana lilata bo enali tegi huto menohibe. Laga huto pa solata nohina bo Hu'mau le'mo saga hu'ehigo kokuluma ifo'alo be ligi su hoto nominana bo minalina'a huto minolago bati huto ni'ibe.

Luku 1:25

Yatai Sipi Bo'niuba ya'ma suhi huto nehe'mabe ya huto boana'magi enali enubuloti nubuya huse'na li he'mi netabe.

Matiu 1:1

Ma fayahi Yesu Kilisitohi tata'agi enigi'ani mana ni'ibe. Yesuhi tata'afu mone Tebiti yabe. To ana bomofihi tata'afu mone koyapa bo gi'a Abalaha yabe.

Matiu 2:11

Enali ana nonuga tilete ana pana'i ito'afihi Malia hiti neha'igo enali enalapusa fi emilete mono ka li etete hilete sisaku gu'aniguti hetofa hatofana hefite emi'ahana.

Matiu 12:46

Yesu babu boana'i kaga lu epito nohigo ito'afi hiti gona'a hiti aitoga e'ahana. Bona'magi Yesuhi le'mo bego hi'ahago enali enemegesaga nehite Yesuhi kaga lu emilune'mu nohune lite bona'i enoloka he'ahana yabe.

Luku 2:5

Ai gi'a hiti to a'i gi'a lilube'mu Malia nole'moto bi'aha'ina. Ya'ma a'mo Yosefeu alihi liha'a lilina a'i yabe. To Malia ai yagapana'mu hiti hu'ehigo bi'aha'ina.