Biblia Todo Logo
Bib sou entènèt

- Piblisite -




Matiu 1:1 - Ka Lamana'a Monoꞌi Lu Mu Tifiꞌehina Ka Yabe

1 Ma fayahi Yesu Kilisitohi tata'agi enigi'ani mana ni'ibe. Yesuhi tata'afu mone Tebiti yabe. To ana bomofihi tata'afu mone koyapa bo gi'a Abalaha yabe.

Gade chapit la Kopi




Matiu 1:1
39 Referans Kwoze  

To yana'mu Hu'mau ya'ma Abalaha to panana'a lenele'mo hetofa hilube luto mu tifito limito lu'ehinamo ya'ma panana'a asaga kumu melu'ehinamo ni'ibe. Moneko'i Kilisito kumu lu'ehinamo ni'ibe.


Hu'mamofihi pana'a lali Sipi Boti Yesu Kilisito yabe luto ai kumu ya'ma hetofa ka lamana'a ni'inagihe. Ai Tebitihi nagatogati o'ehina'a lusi bo nohibe.


Nani Yesuita ya'ma agelo'ni ho lifinogo ai ya'ma bona'ni li gehesamu li gehesamu lenali'i ya'ma kaga'a lu yege hoto lu lepilibe. Nani ya'ma Tebitihi tata'agihi to ai'a naga'i nohube. To go'i lilube'mu nohigo sonofi'i ofu'yahi fana meha'a nohube luto lu'ehina.


Mono bukugu lite ge'ahana: Tebiti mino'ehina hepalugu Betelehe yagi Tebitihi ai'a naga'aguti Mesiau huto hilibe luto ni'ina yabe.


Ya hu'ehina ai Tebitiu kaga lu yege hose bo nohibe, ai Hu'mau ma luto lu molo'ehina kaga akeheli yafa hu'ehina yabe. Nani panaka mone kai siakalo nona'a minalina kiminogo'ni kai hepa'i lilina'mu yabe.


Yesu huto hu'ehinamofihi kaga'a ma huto ni'ibe. Ai ito'afu Malia, ai Yosefe hiti li alobole hilu'ibe lite kehelite mine'aha'ina. Ya hu'ehina etali li alobole hite yafi gofa hete etayanugu meli'aha'inamo Maliau molo kehelina Sikalafu'uba ailugu minago yagapana'i ketalube'mu hu'ehina yabe.


To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.


Koyapa kanagu Hu'mau Abalahahi kaga lu emi'ehina: Asaga hepa'i hiti me'mo hiti yagapanakamagihi epilube luto kaga molo'ehina. Abalahau mone keya ka mege'i molo'ehinamu'i Hu'mau ya'ma kaga molo emi'ehinafiye? O'e. Abalahau agoya hu emi'ehinogo lamana bo nohibe luto ya'ma Hu'mau kaga lu molo eto'ehina.


Kena a'i mone ana kegi'a nominana a'uba Yesutoga o'ehina. Tebitihi pana'abe. Ai ya luto kehe i'ehina. Kai kiginaga fi nimibo. Foipa feleuba pa'nimofihi le'mo sibina nohinagi nehe'mobo.


Yesu ana hepa'i he'miloto kapo moloto nobigo etubu pisi lu'ehina bo loemale'i mege'i lifite nebite ma lite li'aha'ina: Tatatifu Tebitihi pana'amaka kai le'ali'i kiginaga fi le'emibo lite kehe i'aha'ina yabe.


Yesu nagami'i afolo etolago mele'isi fa'mene kugutatoga ti molo'ehina. Ya nohigo analo kokuluma'i hokolo nohigo anaguti Hu'mamofihi Sikalafu'a limi'ehina, ai kigopa nama legitana lolo huto oto Yesuhi lataha'alo fi besa lo'ehina yabe.


Abalaha ai Isakahi afo'afu yabe. To Isaka ai Yakopuhi afo'afu yabe. To Yakopu ai Yutahi to gona'amagihi afo'anifu yabe.


Ai Yakopuhi naga'amagihi sipi bo'ani asaga yupahi minalina'mu yabe. To kaba huse'na'a hiti kapo'a ya'ma minomo buto su mehalina'mu yabe.


Hu'ma ai moneko'i nohibe. To Hu'mau hiti lali hiti nekisaga luga luga nohunogo bo moneko'i Yesu Kilisito folagahatigu bo lolo nohibe. Ai lele'mo moneko nohibe.


Kai Yesu Kilisito Tebitihi tata'afu yagi ai kumu kehelito beto huto minobo. Ai fili'ehinaguti aku ho ti'ehina bo yabe luto ai ka lamana'a lulatanamofihi ya'ma lu yege holata nohube.


Swiv nou:

Piblisite


Piblisite