Maki 9:1 - Ka Lamana'a Monoꞌi Lu Mu Tifiꞌehina Ka Yabe

¹ To Yesu ka mone hiti ma lu epi'ehina: Lusiga lu nolepube. Alihi Hu'mau ai kapo'a amuya hiti le'mo huto hilina kanagu ya'ma bona'i yatai malo nehana'a mone'amagi enali mefilise nehite bu galana'mu yabe. Yesu ya lu'ehina yabe.

Maki 9:1 Referans Kwoze

Luku 9:27

Lenekesu ka'ni meheno. Yatai nani lu nolepube, luga ma ho tite nehana mefilise nehite Hu'mamofihi kapo'a huto hilina enali yata'a bu gelete fililana'mu yabe.

Hibulu 2:9

Ya huto Yesu bu go fe luto kehelilata nohune. Kana'a hupamone ya'ma agelomagihi enalitogati limito minoto Hu'mau lehe'mose'namu keke'i luse'na kehelito fili'ehina yabe. Asaga bona kumu yabe luto fili'ehina. Ya'ma fili'ehinanamofihi gabu gise'namu Hu'mau le'mo hofa tago fana meha'a hiti gi'amo li saga huse'na hiti aitoga huto hu'ehina bu golata nohune.

Luku 22:30

To Kapo'nilo lenali nose'na nete to nagami nete hita'nilo hilabe. To lenali gihiti bomagihi kefa hisalo minelete ma melugu nayahi luga luga su hoto nigigusagati loemo heleko malago ya'ma Isilaeli naga'i nehana enali kaga'anilo kaba hilete nehite ya huto kaga latagi lite keheli epalalana'mu yabe, luto Yesu aposolo pana'a lu epi'ehina.

Maki 13:30

Ya'ma yatai nehana bona'magihi kana'ani su mehenogo, ana kana hapi filina'mu yabe. Nani ka'ni fenene huto mefilise ya'ma huto hilina ni'ibe.

Matiu 25:31

Nani Kokulumaguti limi'ohuna Bo nohuto gihiti bo suhi huto oto agelomagi hiti aku aluta yupahi sipi kefa hisalo nani minaluna'mu yabe.

Luku 22:18

Nani lu nolepube, yatai hiti to alihi hiti nani bai nagami'mofihi pana'a menose nohinogo'ni alihi Hu'mamofihi Kapo'a alina'mu yabe.

Luku 2:26

Sikalafu'uba Simionitoga alu emi'ehina mefilise nohitogo Hu'mau le'mo ho ti'ehina bo, ya'ma Mesiau huto hilibe lu'ehina bu goloto fililata'mu yabe.

Maki 13:26

To yalo, Kokulumaguti limi'ehina Bouba amuya hiti nohuto to fana meha'a sipi besa nolago, ai sopohi hite aku'i kokulumaguti nolimigo, bu galabe.

Matiu 24:30

Ya'mana yupahi Kokulumaguti limi'ehina Bomofihi gufa fayaha'a kokulumato huto nohinogo asaga boana'i ma melugu nehanamagi yibi hu baga ilabe. To Kokulumaguti limi'ehina Bo sopohi ifo'alo minoto noenogo bu galabe. To ai sipi amuya'a hiti to sipi fana meha'atu fi besa loto alina'mu yabe.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Yoni 21:23

Ana kaga'mu Yesu pana'alobomagi kehelite ya'ma bita hu'ehina pana'amu'i mefililibe lite li'ahana. Yesu ya'ma kaga mefililibe, luto melu'ehinagi ai lu'ehina: Ai minoba minoba huto nani aluna yupapo minenogo ya'ma kai'naka ni'ifiye? ya'ma Yesu lu molo'ehinana ni'ibe.