Maki 7:4 - Ka Lamana'a Monoꞌi Lu Mu Tifiꞌehina Ka Yabe

⁴ To ana huto maketi hepatogati nose'na ana'ina lilete'ani yata'a enugufa'ani nagami felelete alihi nenabe. To fato fato hapa'ani koyapa bona'animagi hi'ahana suhi ya'ma silaga'i ana hite nehana yabe. Masu'ani somo'ani kopa lape'ani koha'ani asaga'i nagamitu ifepa afepa ite mine'ahana yabe.

Maki 7:4 Referans Kwoze

Hibulu 9:10

Yanauba enugufa'aga li molo'ehina ka'ago ya'ma ni'ibe. Lu laga huse kagamu'i nose'na fato fato'i to bai nagami'i nenanaya to enugufa'ani mono nagami'i okala hilata nehana yamofihi kaga'a ni'ibe. Ya'ma Hu'mamofihi ka'alo huto higo bona'magi mege'i melete bite nehinogo aliha'a Kilisitou ana'ina le'mo bebe salina kana'a huto hilibe.

Matiu 23:25

Keya kaga keheli bati hulata bo hiti to Felosi bo, lenali ehetinio. Lenali loe lenabaga hiti bo lenabaga kaba hilo. Lenali kohi to lape'i gupisa'a loko sese hilata bo. Ya nehite guminanatini hiti to lenugufalo ni'inanatu komopa'agu li bai telata nehabe.

Yemesi 4:8

To Hu'mamofihi gobisalo lenifita i'ehite bilana yamofihi ai'a ana huto lenogobisalo alina'mu yabe. Foipa nasanatini ya'ma li kele li he'milo. Kenetufatiniuba li gelehe hite loe lae nehana bona'ise, li hetele he'mite komopatini nokala hilo.

Yoni 2:6

To Yuta bona'magi mono hapa'aniuba lu'ehina'a huto enayaha'ani okala hilana'mu lite me somo loegi loegi loegi babu nagami'i moneko mesomogu hefise'a nonuga mino'ehina.

1 Yoni 1:7

Hu'mau ai ya'ma fana meha'a hiti bo nohibe. To ana huto lali ai'a fana meha'agu mino moloto nohuto ai hiti moneko'na huto komopati hepito bati huto minaluta'mu yabe. To ya hinogo pana'amofihi Yesu, ai'a golaha'auba foipanati asaga'i okala hu letoto minomo buto minalibe.

Matiu 27:24

Pailatihi kaga'a asaga bona'magi ho fi telete luba li huto hilana suhi hago Pailatiu bu enogo'ehina. Ya hago ai silaga boana'i enubulo nagami'i liloto yaha'a sese nohuto ma luto lu epi'ehina: Ma bomofihi ho filise foipana kumu nani nugufalo metilibe. Ya asaga'na lenalitinilogagoko minalibe.

Yoni 3:25

To Yonihi pana'alobo'a luga'amagi Yuta bo mone'mofihi kenasabo bite Yuta bona'mofihi mono ka'anigu gufa'ani okala hilata nehana hapa'ani'mu ya'ma kaga moneya kenasabo bi'ahana.

Matiu 23:26

Felosi bo lenali lenubutini pisi lu'ehina. Yata'a kohi komopa'a luga okala huto li gulu gulu luletogo alihi gupisa'aga hiti ana huto gulu gulu lilibe.

Maki 7:8

Aisaiyau lenali kumu ma'naka luto ya luto go'ehina yabe. Lenali Hu'mamofihi ka'a nehe'mite bona'magihi ka'ani kehelite mege'i melelata nehabe, Yesu ya luto lu epi'ehina.