Luku 9:3 - Ka Lamana'a Monoꞌi Lu Mu Tifiꞌehina Ka Yabe

³ Yesu ma luto lu epi'ehina: Lenali kapo nemeletemo lenayanuga ana'ina melise fa'mene bilo. Fatusa osahifi sisaku gutinifi nose'natinifi efahatinifi to guketetini mone li fakene hite melise fa'mene lenayapako bilo.

Luku 9:3 Referans Kwoze

Luku 22:35

To Yesu lu epi'ehina: Yata'a lenoho lifi'ohuna yupahi efahatinifi gutinifi to lenigigu'natinifi melise bilo, luto lu lepuna yupahi lenali luga'a meni'ibe lite sa sa hi'ahafi ya mehi'ahabe? To enali li'ahana: O'e ya mehu'ohune.

2 Timoti 2:4

Mone'amagi enali gimi mage bo lolo hilete foya'a li etalanamagi enugufamofihi foya melilana'mu yabe. To gimi mage bo lolo hilabe luto le'mo eto hu'ehina bo kaba bo'aniuba kehelinogo laga'a kehelilabe lite anamofihi foya'a lilanagihe.

Luku 12:22

To Yesu pana'alobo'a lu epiloto ma luto lu'ehina: Nani lu nolepube. Lenali minosenatini'mu lenekesa yigi babu melite to lenali ma melilo: Lali henana nalune? To lenali lenugufatini'mu lenekesa yigi babu lilete ma lite melilo: Lali henanatu'i lugufatilo ifi talune?

Luku 3:11

To Yoniu ai ka'anilo lu'ehina: Bo moneuba gukete loemo li'ohutomo mone kalalukafihi meni'ilinamofihi emibo. To bo mone maka nose'na ni'ilina maka nose'na'a meni'ilina bo hiti guna ite naliyo.

Luku 12:28

Hu'mau ai'a kifi'namagihi gukete hu epololata nohibe. Kifi'na malo yatai nehana yago bifa hilana'mu yabe to logouba enoloboto su halina'mu yabe. Fa'mene kifi'namolo Hu'mau gukete nohu epalanamo ninago ana huto Hu'mau gukete hu ketalina'mu yabe. Ya hu'ehina Hu'mamofihi keheli bati hite keheli emilenogo Hu'mau ai lenele'mo bati hu lepalalina'mu yabe. Lenalise, ka keheli ule'ale huse'natini nesi'asi minana boana'i yabe, luto Yesu lu'ehina yabe.

Luku 5:29

Libaiu noha'agu sipi nose'na Yesuhi go etago takisi nelina bo to bona'i luga'amagi hiti ete etali hiti minete nose'na ne'ahana yabe.

Maki 6:7

To yalo Yesu pana'alobo 12 magi kehe igo ago'a ma luto lu epi'ehina: Nani yatai lenoho lifinogo'ni bite bona'magi komopa'aniguti foipa fele enele'me he'milabe. Lenali loemo loemo hite bilo. To ya hite loemale'ita bitetiti ma hiliyo.

Luku 9:4

To enali lenebe tigilago nohi moneluga tilete analo nose'na nelata fatoga bila ela mehise ana nonugago nehite ana hepa'i he'mite fatoga bilune'muko bilata hilo.