Luku 9:28 - Ka Lamana'a Monoꞌi Lu Mu Tifiꞌehina Ka Yabe

²⁸ Asaga kaga lu epiloto salele mone minoto Yesu ai Pitahi Yonihi to Yemesigihi enele'moto numuna hilune lite kosagu ti'ahana.

Luku 9:28 Referans Kwoze

Luku 6:12

To ya'mana yupahi Yesu nunumu hilube'mu kosa monelugu tiloto Hu'mamofitoga nunumu hu emi'ehina. To nunumu huba huba nohigo sinihi gito go'i lu'ehina yabe.

Luku 9:18

Mone yupahi Yesu ai'asigo nunumu huto nohigo pana'alobo'a aitoga e'ahana. Asaga bona'magi nani kumu'i hena hibe lite li'ahabe? Yesu enoloka ho'ehina.

Luku 8:51

Yesu ana bomofihi noha'alo henetiloto asaga bona'i fegutoga nehago Pitagi Yonigi to Yemesigi enali hiti enele'mago hiti to ana pa'mofihi ito'afugo afo'afugo hiti ti'ahana.

Maki 6:46

To enali nebago Yesu asaga boana'i enebe tigito: Hepatiniga abilo ligo bi su he'ahabe. To bi su helago, ai nunumu hilube'mu buto bohupogu tito Hu'mamofihi ka lu emito mino'ehibe.

Maki 1:35

To yalo'i, etehi folugu'i ho tito buto bona'i menemina hepatoga buto nohuto Hu'mamofitoga kaga luto mino'ehina yabe.

Hibulu 5:7

Yesu ai metoga mino'ehina kana'alo Hu'mamofihi kehe sipi igo bu nogoya nolimigo sipi nogo moloto buka tito ya'ma fili'ehinaguti le'mo gelehe higo yamofihi buto bise bo, Hu'mamofihi amuya moloto loka ho'ehina yabe. Ya higo Hu'mamofihi maha'aluga limito mino'ehina'mu luto to agoya hu emise'namu Hu'mau keheli emi'ehina.

2 Koliti 13:1

Ya'ma lenalitoga aku'i binogo kana'a loebe monebe hilina'mu yabe. Mono bukugu kaga ma luto ni'ina: Ka foya lilana kanagu bo moneuba foipana hulenogo bo loebefi loebe monebefi bu gelete lu huto hilenogo lama'naka litemo ni'ibe. Lenalitoga bu nehetilenogo ana kaga'a keheliloto ka'a lilube'mu hube.

Luku 3:21

Asaga boana'i nagami felete nehago to Yesu ana huto nagami fololoto nohuto nunumu nohigo kokuluma'i hokolo hu'ehina.

Matiu 5:1

Yesu bu gana babu boana'i mege'i lifite nebago ai kosagu tito analo nohigo koko panana'a ai metoga ete mino bego hi'ahana.

Matiu 14:23

Ai boana'i enoho lifigo hepa'aniga a'nebago bohupo'i mone ninalo tito nunumu hilube'mu ti'ehina. Utehe kana'alo ai'asigo ana kosalo mino'ehina.

Luku 5:16

Ya hu'ehinaya ai asaga yupahi he'miloto bona'i menehana suguna hinaluga buto nunumu hulata hu'ehina yabe.

Yoni 6:3

Yesu lapa luga tito kosa bohupoto pana'alobo'a hiti meto mine'ahana.

2 Pita 1:16

Nani Sipi Boti Yesu Kilisitohi nehetilina'a amuya'a hiti yamofihi ka'a lu lepilugi ya'ma kilihe kaga li pili meko'ohunagi to ana huto kilihe ka mone lolo mehu'ohuna yabe. Minose'nalo minoto kokuluma fana meha'a huto higo nani'ni nubu legeya'atu bu go'ohube.