Luku 9:22 - Ka Lamana'a Monoꞌi Lu Mu Tifiꞌehina Ka Yabe

²² Kokulumaguti limi'ehina Bo sipi gabu'i gilenogo enali olopa bona'i to sipi mono noto kaba bona'i to keya ka babafi bona'i enali enemegesa hu nimite nani'i nehelenogo fili'ohunagati aku'i loegi monegi yupahi minoloto Hu'mau nele'mo ho tilibe luto Yesu lu epi'ehina.

Luku 9:22 Referans Kwoze

Luku 24:7

Enali Kokulumaguti limi'ehina Bo foipa bomagihi enayanugu binogo malipu yafalo henogo filito loegi monegi yupahi ho tilina'mu yabe luto lu lepi'ehinamo ni'ibe.

Luku 9:44

Ma'asi ka mone lu lepilube'mu nohuna lenekesu meheno. Alihi bona'magi Kokulumaguti limi'ehina Bomofihi le'mete bite naga'i emilago Hu'mau keheliloto lu laga mehilibe.

1 Pita 1:11

Enali ya'ma huto hilina kana'a sa sa hi'ahana, Hu'mau ya'ma Kilisitohi ho lifilina kana henaki yupahi huto huse kanagu huto hilibe lite sa sa hi'ahana. To Kilisitohi meha'a yauba komopa'anigu molo epalago enali ya'ma lenali kanagu yabe lite keheli'ahabe. Lenali kanagu Kilisitou huto huloto yalo keke'i luse'namofihi gupisalo tito fililina yalo ho tito sekele mamu'a lilina'mu yabe lite keheli'ahabe.

Maki 9:31

To ai ma luto kaga lu epi'ehina: Bona'magi alihi nani Kokulumaguti limi'ohuna Bomofita nele'mete bite nahalabe. To nehe fililenogo'ni loeyagi moneyagi yegegu keligu minoloto'ni aku'i ho tilube.

Maki 8:31

To yalo, kaga lu noepito ma lu'ehibe: Nani Kokulumaguti limi'ohuna Bomofita alihi kalana'i mele netete to baga'a hiti'na nugupisalo tinogo kofilube. To enali olopa mono bona'magi hiti sipi mono'i kaba bomagi hiti to mono ka negana bona'magi hiti enemegesa hi nimilete nahalabe. To malipu yafalo noho fililenogo'ni loeyagi moneyagi yegegu keligu minoloto'ni yalo fili'ohunaguti gololo tuto ho tito minalube.

Matiu 17:12

Ya hu'ehina nani ma'naka luto lu nolepube. Elaiyau ai ao'ehibe. Ya hu'ehinamo bona'magi Elaiyau nohibe lite menekehelibe. Ya hite enali enemehuba hinanamofihi mege'i melete nehite fato fato suhi hi ete'ahana yabe. Kokulumaguti limi'ehina Bomofihi ana suhi hi etete gabu'i gilinana hi etalana'mu yabe.

1 Koliti 15:4

Filigo keli hete'ahana mono bukugu li mele'ahana kana'a loebe monebe keligu minoto mopo huto ho ti'ehina.

Luku 24:26

Henabe lutobe? Mesiahi yata'a gabu foya kofiloto su henogo Hu'mau le'mo ho tigo alihi Hu'mamofihi fana mehena'agu ti'ehibe, luto,

Matiu 17:22

Yesuhi koko pana'a Galili hepato aku'i e nupa hilago kaga mone ma luto lu epi'ehina: Kokulumaguti limi'ehina Bomofihi fateha'amagi enayanugu le'mete bite bilana kana'a anasi hupamone nohibe.

Matiu 27:63

Ya hilete ma li'ahana: Sipi bo yale, ai fagalo bouba mefili'ohuto kaga mone ma luto lu'ehina lu kimilune. Loegi monegi yupahi minoto'ni aku'i ho tiluna'mu yabe luto lu'ehina.

Luku 17:25

Ya hu'ehina ai yata'a sipi gabu foya kofila to enali yatai bona'i ma nehanamagi okabagu bu go bati mehise megesa hu emila hilenogo yabe, luto Yesu lu epi'ehina yabe.

Luku 24:44

Ya huloto ai ma luto lu epi'ehina: Koyapa'i nani lenali hiti nohuto'ni alu lepi'ohuna yabe. Asaga kaga nani kumu lite Mosehi bukugufi to lu huto huto bomagi bukugufi to nama li'ahana bukugufi koyapa'i fayahi ge'ahana asaga ya'mana kagauba legeya'a mana'a huto hilibe luto lu lepi'ohuna yabe.