Luku 9:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ya nehago Yesu beleti nose'na loegi loegi monegi hiti faya'i loemo liloto kokulumatoga bu go saga huloto Hu'mamofihi fokehi holoto ana nose'na li tobo sito pana'alobo'a epigo enali lite bite ana bona'i bite muyaga epila maga epila hi'ahana.

Luku 9:16 Referans Kwoze

Matiu 14:19

To ana boana'i kifi'nalo melugu minalo luto lu epi'ehina. Ya luloto ai loegi loegi monegi beleti hiti to loe faya'i hiti liloto kokulumalugu bu golago tiloto nunumu huto fokehi li'ehina. To ai beleti li pata putu siloto koko pana'a epigo enali asaga boana'i lite bite epimofa'na hi'ahana yabe.

Luku 24:30

Alihi enali nose'na nalune'mu nehite Yesu etali hiti moneto mine'ahana. Ya huloto ai beleti nose'na liloto Hu'mamofitoga fokehi ho emiloto gofa hoto etimi'ehina yabe.

Matiu 15:36

To ai sebeni'a beleti hiti to faya'i lagaso meso'a loesi hiti yanuga liloto Hu'mamofitoga nunumu huto fokehi holoto gofa gofa holoto koko pana'a epi'ehina. Ya higo koko pana'amagi enali leli'ali hite asaga boana'i epi'ahana yabe.

Romu 14:6

To mone yupahi napa ni'ibe lulata bouba Hu'mamofihi gi'a liyafa huse'namu'i ana yupapogu fuli minalibe. To asaga nose'na nalata bouba ana huto Hu'mamofihi gi'a liyafa huse'namu'i kaba huto nominabe. To ai ana nose'namo Hu'mamofitoga gepohi luto bati huto yabe luto lu emito nonabe. To bo moneuba fato nose'na mo sito guya'asigo nalina ai ana huto Hu'mamofihi gi'a liyafa huto bati huto yabe lu emito nonabe.

Aposolo 27:35

Polu ya luto luloto beleti nose'na lito asaga enali enubulo Hu'mamofitoga fokehi ho emito nunumu huloto li pata sito nalube'mu hu'ehina.

Yoni 6:23

To Yesu beleti nose'na hiti faya'i hiti lito fokehi holoto'a babu boana'i epigo ne'ahana hepa lebato Taibiliasi boti luga'a nebago bu ge'ahana.

Yoni 6:11

Enali melugu mine su helago Yesu beleti nose'na lito nunumu huto Hu'mamofitoga fokehi holoto ana bona'i guna i epi epi hu'ehina. To loe faya'mo lito ana suhi huloto epigo nete enumu hu'ehina yabe.

Luku 22:19

To ai beleti lito Hu'mamofihi fokehi ho emiloto li gofa holoto enali'i epiloto ma luto lu epi'ehina: Ya'mana nani nugufa'ni yabe. Lenali kumu nugufa'ni he'mito fililuna'mu yabe luto nolepube. Lenali ya'mana suhi hilete nelata nehite nani kumu'i lenekesu meheno.

1 Koliti 11:24

beleti nose'na liloto Hu'mamofihi foke ka luto gofa hoto noepito lu'ehina: Ya'ma nani nugufa'ni lenali kumu luto nolepube. Nani kumu keheli nimite ya hite nete minalo.

1 Koliti 10:30

To nani Hu'mamofihi fokehi holoto nose'na nalunamo ni'inaya, Hu'mamofihi fokehi holoto naluna nasana'mu moneuba nehabe luto keheli sibina nohibe lite nelafiye?

Maki 7:34

yalo kokulumagu bu go saga huto'a: Ke, luloto to ai'a ka'aguti Efata luto, lali kaguti: Hokolo hubo, luto lu'ehina.

Luku 9:15

Yesuhi pana'alobo'amagi ana kaga ana bona'i lu epilete enele'mo melugu malago mine'ahana.

Luku 9:17

Enali asaga'i ana nose'na nelete enumu'i hulago limo koko hina'a Yesuhi panana'amagi li nupa hite safe nayahi luga luga su hoto nigigusagati loemo heleko malago li gu i'ahana yabe.