Luku 9:11 - Ka Lamana'a Monoꞌi Lu Mu Tifiꞌehina Ka Yabe

¹¹ Yege yege bona'i Yesu ya huto nobibe lana'a kehelilete mege'i lifite bi'ahana. Ai enebe tigito Hu'mamofihi kapo kumu'i kaga lu epito epesi'ehina bona'i enele'mo ye ko'ehina yabe.

Luku 9:11 Referans Kwoze

Hibulu 4:16

Ya hu'ehina'mu lali Hu'mamofihi kefa hisalo tubuto yalo lelesa meligo lehe'mose'na'a ni'igo tito babahi hinogo nehetilune. Ya nohinogoti keta huse nasana moneubafi moneubafi oto logobisalo neminenogomo Hu'mau ai'a lali kumu ginaga fi limilina'mu to lehe'malina'mu komopa'atu molo leto'ehina ya'mu luto nohinogo ana'asi lele'mo bati hilibe.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

Romu 15:3

Hena'mube? Kilisitou laga'a besi'ehinalo mege'i memolo'ehina yabe. Ai kumu mono bukugu fayahi keye'ahana: Bona'magi huli ka lu kimi'ahana yamofihi aku'i nanitoga ana huto huto hu'ehina yabe.

Romu 10:14

Ya lutomo ni'igo enali Hu'mamofitoga komopa'ani memele'ahana bona'magi hiya hite aitoga kehe ilabe? To enali kaga'a mekeheli'ahana bona'magi hiya hite aitoga keheli amuya malalabe? To bo moneuba ka lamana'a lu meepilenogo hiya hite ana kaga'a kehelilabe?

Aposolo 28:31

Ai Hu'mamofihi kapo'amofihi kaga'a lu yege ho epito Sipi Bo Yesu Kilisitohi kaga'a enelepito amuya kaga lu epilata higo bo moneuba kaga'a mone i laga mehu'ehigo Polu anaga mino'ehina yabe.

Yoni 6:37

Asaga bona'i nani Afo'nifu nimilinamagi nanitoga alana'mu yabe. To nanitoga alana bona'i enubunepa ito enele'mo mehe'miluna'mu yabe.

Yoni 4:34

Ya nehago Yesu lu epi'ehina: Noho lifi'ehina bouba lili'na malalina agoya hu emito lili'na'a li baga iluna ya'ma nose'na'ni legi huto ni'ibe.

Luku 9:2

Ya huloto ai Hu'mamofihi kapo'a kumu bite ka lu yege nehete enebesise'na li he'mi he'mi hilabe luto enoho lifi'ehina yabe.

Luku 8:10

Ya hite loka nehago Yesu ma luto lu epi'ehina: Hu'mau ai'a suguna ka hapa'a alu lepi'ehibe. Ya hu'ehina luga'a boana'i enali bame kagutiko lu noepune ya hulenogo enali gili gili hilete be megalabe to enekesatu'i keheli lanaya ka mana melilana'mu yabe.

Luku 8:1

Aliha'a nesi'a minoto Yesu sipi hepa'ifi to lagaso hepa'i ninalo ninalo bula ola huto Hu'mamofihi kapo'amofihi hetofa kaga'a boana'i enalitoga lu epimofa'na hu'ehina yabe. To nayahi luga luga su hoto nigigusagati loemo heleko malago hite Yesuhi koko pana'a minana mege'i melete bi'ahana yabe.

Luku 5:31

To Yesu ka'ani akeheliloto lu epi'ehina: To bona'i meepesina bona'i tota bologa menebabe. To enebesina bonalogo tota bologa bulata nehabe.

Luku 1:53

Ai hetofa nose'natu'i enakau'na lana bona'i enipa'ani li bai to'ehina. To enali bona'i fe'noha'ani babu lina'a enele'mo he'migo fa'mene bi'ahana.

Matiu 21:43

Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.

Matiu 21:31

Yalo lenali lu nimilo luto Yesu lu'ehina: Ya'ma loe pana'male'i kuyu'afu afo'atitifu lu etimina kagalo mege'i molo'ehibe? Ya ligo enali Yesuhi lu emi'ahana: Yege pana'auba yabe lite, ya lago Yesu ma luto lu epi'ehina: Nani lusiga luto lu nolepube, takisi efahi nelina bo hiti to mokolo ana'i hiti enali kohe tete Hu'mamofihi kapo'agu nebabe.

Matiu 14:14

Alihi Yesu nagami beletoga keheto buloto babu boana'i nehago bu enogo'ehina yabe. Ya hago ai ginaga fi epiloto enebesi'ehina bona'ani enele'mo bati hu'ehina yabe.

Romu 10:17

To ya huto ni'igo bona'magi Kilisito kumu hetofa kaga lu yege hago keheli'ohune. To ana kaga keheliloto Hu'mamofitoga agoya hu emilata nohune.

Matiu 12:15

Yesu ana kaga'ani akeheliloto ana hepa'i he'miloto nobigo babu bona'i mege'i lifite bi'ahana yabe. Ya nehago enebesi'ehinana'ani li he'mi su ho epolo'ehina yabe.

Luku 9:10

Yesuhi aposolo panana'a aku'i ete li nupa hi su helete asaga'na enali hi'ahana Yesuhi lu emi'ahana. Ai asaga'i pana'alobo'a enele'moto luga'a fato bona'i nohe'mi epoloto enaligo Betesaita hepato bi'ahana.

Luku 9:12

Utehi yege limi falalube'mu nohigo Yesuhi 12 pana'alobo'amagi aitoga ete ma luto lu emi'ahana: Ma hepa'mo ka me'i ni'inagi kai asaga bona'i enoho lifitogo hepa'i ninalo bila ela hite nose'na'ani sa sa hite nelete kalabe.