Luku 8:39 - Ka Lamana'a Monoꞌi Lu Mu Tifiꞌehina Ka Yabe

³⁹ Hepakaga buto Hu'mau kele'mo bati hu'ehinana'mu bona'i lu epimofa'na hubo. Ya ligo ana bo hepa'alo buloto asaga boana'i ana kegi'a neminana Yesu le'mo bati hu'ehina kaga lu epi baga i'ehina yabe.

Luku 8:39 Referans Kwoze

1 Timoti 5:8

Luga'amagi enali bona'ani kaba lamana'a hi epelete enemehi meepilana yamofihi ka lamana'amofihi kapoguti ali he'mite to mono ka ya'ma mekehelise bona'i melugu bona'i enalitogati mine tegi hite ana foipana'aniuba enebe ligi'ehilina'mu minalabe. Ya higo keto a'mofihi bona'amagi kaba hu etalana'mu yabe.

Yoni 4:29

Nani koyapa'i lolo hu'ohunana lu hokolo huto lu nimi su nohana bo lenali bite bu galo. Ai Hu'ma ho lifi'ehina bo Mesia nohifi fato bo nohibe?

Maki 1:45

Ya luto ho lififa hu eto'ehigo ai aku'i kaga beto huto luba luba higo, asaga bona'i kehelite Yesutoga li gehesa sipi hilune'mu nehago Yesu fa'mene enubu'anilo olopa hepatoga metise nohuto holupagu nohigo bona'magi yege yege hepatogati aitoga e'ahana yabe.

Maki 5:18

To ya lago, Yesu enalitogati he'mito buto botigu notigo, ana negi bouba oto: Kai hiti bilu'ibe, luto buka tito loka ho'ehina.

Maki 5:19

To Yesu ma lu emi'ehina: O'e. Kai hepakaloga buto bonaka lu epibo. Sipi Bo, Hu'mau keke'i nolu ketoto kele'mo bati hu'ehinamofihi asaga'i buto lu epibo. Hu'mau amuya'a hiti bouba kehe'mo'ehina ka ya'ma beto huto lu epibo.

Luku 8:38

Ana bo gufaguti foipa fele Yesu li he'mi etana bouba Yesu kumu: Nani hiti bilu'ibe luto mege'i lifito nobinamo Yesu aku'i ho lifi he'miloto ma luto lu emi'ehina:

Luku 8:40

Yesu nagami hefuhi mula kegi'a nina hepato henetigo babu boana'i li nupa hite geba hite nehanati be gelete hetofana huto ane lite sipi fokehi he'ahana.