Luku 7:34 - Ka Lamana'a Monoꞌi Lu Mu Tifiꞌehina Ka Yabe

³⁴ To yatai Kokulumaguti limi'ehina Bo ai oloto nose'na noto nagami'i noto nohigo to lenali ma lite neli etabe: Bu galo. Ai nose'na babu lito noba noba bo yabe nelabe. To bai nagami'i ana huto babu lito noba noba bo yabe lite nelabe. To ai takisi nelina bo to foipa bona'magihi enalalu'anifu yabe lite lilata nehabe.

Luku 7:34 Referans Kwoze

Luku 15:2

Ya nehago Felosi bona'i to keya ka tisa bo bu gelete gulu gulu bite ma lite Yesuhi ka emeki'ahana: Ma bouba ai foipa bona'i hiti enele'mo bati huto enali hiti nose'na nolata nohibe.

Yoni 12:2

Ana hepato enali Yesu kumu nose'na mone laita hite loloba nehago Matau guna ito epigo Lasalasi hiti Yesu hiti hitalo minete ne'ahana.

Luku 19:7

Ya neha'igo asaga bona'i bu gelete gulu gulu bite ma lite li'ahana: Akae. Bati mehina suhi luto hetofa bomouba buto foipa bomofihi nonugu minalube'mu nohibe, lite enitaluga logo bi'ehina yabe.

Luku 14:1

Mone yupahi fuli kanagu Yesu sipi bo Felosimofihi hepato buto nose'na nalube'mu nohigo asaga bona'i ana nonuga minana Yesuhi mapahi fi'ahana.

Luku 7:36

To Felosi bo moneuba gi'a Simoni yabe, ai Yesu noha'aluga buto nose'na nalu'ibe luto kehe i'ehina. To Yesu ai ana Felosi bomofihi noha'aluga buto minoloto nose'na nalu'ibe'mu hi'aha'ina.

Luku 5:29

Libaiu noha'agu sipi nose'na Yesuhi go etago takisi nelina bo to bona'i luga'amagi hiti ete etali hiti minete nose'na ne'ahana yabe.

Matiu 9:11

Ya nehago Felosi bona'magi be gelete Yesuhi koko panana'a ma lite enoloka he'ahana: Henabe luto tisa botiniuba ai takisi nelina bo hiti to foipa bo hiti nose'na nonabe?

Yoni 2:2

Bo alobole etayanugu lila'ina ete bu galube lite Yesu hiti pana'alobo'a hiti kehe ite elesana mele'ahago anaga bite neheti'ahana.

Luku 11:37

Yesu ana kaga lu su holago Felosi bo moneuba: Noha'nigu buto nose'na nani'i hiti nalu'ibe luto kehe igo Yesu buto hitalo minoto nose'na nalube'mu hu'ehina.

Matiu 5:46

To lenali bona'i enipa lepilata nehana bona'i enipa epite enele'mo bati hilata nehanaguti hena mina'a lilana ni'ibe? Enali foipa boana'i hiti takisi lilata bona'i hiti ana suhi hilata nehabe.

Matiu 11:19

To yatai Kokulumaguti limi'ehina Bouba oloto nose'na noto nagami'i noto nohigo to lenali ma lite neli etabe: Bu galo. Ai nose'na lau'i iba iba bo yabe nelabe. To bai nagami'i ana huto babu luto noba noba bo yabe lite nelabe. To ai takisi nelina bo to foipa bona'magihi enalalu'anifu yabe lite lilata nehabe. To ya'mananalo bu golototi Hu'mamofihi keheli bati huse'na'a ma'naka ni'ibe luto liluta'mu yabe.

Luku 7:33

To Yoni o'ehina nose'na nola to bai nagami'i nola mehu'ehina yabe. Ya nohigo lenali ma lite lu ete'ahana yabe: Foipa fele ai komopa'agu ni'ibe lite li'ahana yabe.

Luku 7:35

To bona'magi komopa'anigu kehelise'na hetofana ni'ifi sibina ni'ifi, luto hapa'ani huto hulenogo bu galabe.