Luku 7:24 - Ka Lamana'a Monoꞌi Lu Mu Tifiꞌehina Ka Yabe

²⁴ Ya luto Yesu kaga lu su holago Yonihi koko pana'a abila'igo Yesu Yoni kumu kaga babu boana'i lu epi'ehina: Koyapa'i lenali bona'i menehanalo ka melugu bi'ahana henana bu galune lite bi'ahanabe? To lenali akepa mone'mofihi habahuba li pisi hu'ehina bu galune litefiye?

Luku 7:24 Referans Kwoze

Efeso 4:14

Lali ya huto lagaso yagapana'i tegina meminose amuya moloto nohinogoti limi'i melelata bo enali faga faga li liminogo faga faga kamofihi yasi'auba lele'mo miyalo malo hinogo miyalo i ke'malupi malo i ke'malupi lu liluta hu laligi. Enali'i bona'i luga'amagihi enimi'i melete enele'mo keheli sibina nehana yabe. To laliya lele'mo keheli sibina hi lalabe.

Luku 3:2

To Anasiugo Kaiyafasiugo etali sipi mono nohi kabalo bole mine'aha'ina. To ya'mana kanalo Sekalaiyahi pana'a Yoni ai ka melugu nohigo Hu'mamofihi ka'a aitoga lu huto hu'ehina.

Luku 1:80

To ana pana'i hofa toloto gufa'amo hiti meha'amo hiti amuya molo'ehina. Ai ka melugu mino'ehina kanagu baga ilenogo Isilaeli bona'i enubu'anilo huto hu'ehibe.

2 Pita 3:17

Nalalu'nigitabe, lenali yanamofihi keheli su he'ahana yabe. Yana'mu kaga ya'ma lenegekesa lito lipoti lu nolepugi kehelilo. Bona'i foipa'amagi enali ligitaga ka'ani lite komopatinigu liminogo lenele'mo sibina hilenogo limite ke lalagi ya'mu kaba hu bati hite minalo.

2 Pita 2:17

Bona'i enali ya hana'amagi ipi opohi nagami'i se'no'ehina ya suhi hite nehite minete to yasiuba sopohi li bigene notito ito bula ola nohina ya suhi hite nehite neminabe. Bona'i ya suhi nehana'a enali metepu sipi gi'ehilinagu nehetilabe luto Hu'mau lu molo epolo'ehina.

Yoni 1:23

Ya lite lago Yoniu lu epi'ehina: Nani mana nohube: Bo moneuba ka meluguti Sipi Bomofihi Kapo'a bili etobo luto, sipi kehe noinamofihi nogo'a nohibe. Ya'ma kehe noinana nani nohube. Koyapa'i lu huto hulata bo Aisaiyau yanana luto lu'ehina yabe.

Luku 7:23

To bona'i enali nani kumu enekesa keheli loe lae menehana bati hite enofokehi lite neminabe.

Luku 7:25

To henana bu galune lite bi'ahanabe? To lenali bo moneuba hetofa gukete li hekoloto nohigo bu galune lite bi'ahanafiye? Nani lu nolepube. Enali bona'i hetofa gukete li hekelete to hetofa enugufalo li melete neminana bona'i ya enali gihiti bomofihi noha'agu minelata nehabe.