Luku 3:9 - Ka Lamana'a Monoꞌi Lu Mu Tifiꞌehina Ka Yabe

⁹ To sopolo'i huto'i ni'inagi yafa lufusa'a laga huse'na ni'ibe. Ya hu'ehinago asaga yafa legeya'a mehalina hetigito logoguko falalina'mu yabe.

Luku 3:9 Referans Kwoze

Matiu 7:19

To yafa luga'amagi enali nose'na legeya'a meholata nehanaya laga huto logogu gelata nehabe.

Yoni 15:6

Luga'amagi enali nanitoga ete i mehepilana ya'ma i pigilata nohina ya suhi hite gulu gulu bilenogo laga hu he'milube'mu hibe. Haya'a ya'ma i pigilago logogu laga hite keyelata nehabe. Nanitoga ete i mehepina bona'i enalitoga ana suhi huto hilinamo ni'ibe.

Luku 13:9

Ya hu'ehinogo mone kufu kanagu legeya'a halifi bu goloto menohenogomo kai ana yafa hetigilane, luto foya kaba bo'auba sipi bo'amofihi lu emi'ehina yabe.

Luku 13:7

Ya huloto foya kaba bo'amofihi ma luto lu emi'ehina: Kehelibo. Yatai loegi monegi kufu kanalo oto nemuya legeya'a lo'ehifi luto bu nogonamo ana yafalo legeya'a meho'ehibe. Kai ya'mu mana yafa hetigitogo limino. Henabe luto fa'mene tiba tiba huto ni'ito me'i nogoya'a no su halibe?

Matiu 3:10

Luhi loloba huto yafa hapa'alo ni'ibe. Asaga yafa legeya'a mehalinamofihi hetigi su hoto logogu genogo logouba lo su halibe.

Hibulu 12:29

Ya'ma hena'mube? Hu'ma, afotifu yabe. Ai'a ya huto lo su holata logo'a hiti nohina bo, ai'a nohibe.

Hibulu 10:28

To Moseu keya ka lu'ehina ka'alo pelesa ite hauta halana bona'i ya'ma kene'i loemale'ifi loegi monegimagifi enali ka'ani lilago enali hapa hapa'ani foipana'ani huto hulago keke'i meli epelese mele'isi eba eba hite enoho fili'ahana yabe.

Luku 13:6

To Yesu bame ka mone ma luto lu epi'ehina: Bo moneuba nemuya yafa foya'agu hekolo'ehina yabe. Mone yupahi legeya'a ho'ehifi luto buto bu ganamo meho'ehigo bu go'ehina yabe.