Luku 3:8 - Ka Lamana'a Monoꞌi Lu Mu Tifiꞌehina Ka Yabe

⁸ To lenali foipanatiniguti i gelehe hilanana'muko kehelite minalo. Ya hilenogo nelepilata bu galube. Lenalitiniguti ka mone lu ho tite Abalaha tatatifu yabe lite melilo. Lenali lenegekesa kehelite Abalahau kaba hu letalibe lite ya melilo. To nani lu nolepube. Hu'mau ma efahi lito Abalahahi tata'afi lolo hilibe.

Luku 3:8 Referans Kwoze

Aposolo 26:20

Nani yata'a hapi fito Tamasiko hepa'alugu bona'i lu epiloto'ni alihi Yelusale bona'i lu epiloto to asaga Yutia kegi'a hepa'i ni'inalo ni'inalo lu epimofa'na huloto'ni to ana huto fegutoga bona'i hiti ma luto lu yege ho epi'ohuna: Lenali foipa fato fato suhi nehanamofihi he'mi su helete Hu'mamofitoga i behe hite bilete hetofa sunogo hite bona'i enubulo minalanauba mana'a huto hilibe.

Matiu 21:43

Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.

Romu 9:7

To ana huto Abalahahi yagapana'amagi asaga'na Hu'mamofihi bona'a menehabe. Koyapa'i Hu'mau Abalaha ma lu emi'ehina: Panaka Isaka ketalina yagapana'amagihi enalisigo kaika naga'i minalabe luto lu'ehina.

Romu 4:16

To Hu'mau lu molo'ehina ka hapa'a henana ni'ibe? Lali aitoga keheli ule'ale huse'na ya ni'ibe. To hena'mube? Ana kagamo fa'mene limi'ehina suhi huto Abalahahi yagapana'a asaga'magihi hiti ana kaga molo epolo'ehina. Lali Yuta bona'i keya ka mege'i nomalaluta bonatoga hiti to Abalaha suhi luto Hu'mamofihi agoya hu emise bonatoga hiti ya'ma kaga molo leto'ehina yabe. Abalahau ai lali asaga bona'magita afotifu nohinagihe. Hena'mube? Ai Hu'mamofihi keheli ule'ale hu'ehina yamofihi lelepi'ehibe.

Luku 19:40

Yesu Felosi bona'magi ka'anilo lu'ehina: Nani lu nolepube. Nani he'milo luto lu epiluna nani kumu efahi ka'ma ninamagi kaga lilete yege fite enegelo bilana'mu yabe.

Yoni 8:33

Ya ligo enali li'ahana: Lali Abalahahi tata'agitamo nohune. Koyapa'i mone'a bona'magi koko pana'ani lali memino'ohuta yabe. Lenali lenubuto bilabe luto nolataba ya hena'mu nolane?

Yoni 8:39

Ya ligo enali ka'alo nona'a li'ahana: Afo'tifu Abalahau nohibe. Ya lago Yesu lu epi'ehina: Lenali Abalahahi pana'a mana'i nehatita ai li'ehina lili'na litita'mu yabe.

Matiu 3:8

Lenali komopatini i gelehe hilete yalo etonaguti mineme binogo buto komopatini i gelehe i baga ilibe.

Matiu 3:9

Lenali lenipatinigu ma lite mekehelilo: Abalahau ai afotifu yabe, lali mino fu luse bona'i Hu'mau lifisa meilibe. Nani lu nolepube, Hu'mau ai ka'ma nina efahi liloto Abalahahi pana'a lolo hilina bati nohibe.

Luku 5:21

To keya ka enelepise bona'i to Felosi bona'i Yesu hinana bu gelete kaga ai lu emigo ai lu emigo hite li'ahana: Ya'ma bo kuyu'afu Hu'mamofihi bulo kele'me ka nolu etabe? To bo moneuba foipana'ani li mehe'mi epalalina'mu yabe. To Hu'ma aisigo ya hilina'mu yabe.

Luku 13:25

Alihi nohi afo'afu ho tiloto kafe li hekini lolenogo lenali fegutoga ho tilete nehite kasito begele begele hiba hiba nehite: Kafe sigi letobo, nelinogo nohi afo'afu ma luto lilina'mu yabe: Lenali hiya'agati neana bona'i nehabe? Nani lenali'i mekeheli lepolo'ohuna bona'i nehabe luto lilina'mu yabe.

Luku 13:26

Nohi afo'afu ya nolinogo lenali aku'i ma lite lu emilana'mu yabe: Kai lali'i hiti nose'na noloto hepatigu mono ka lu limi'ahatamo yabe lite lilana'mu yabe.

Luku 14:9

Lenali ya hi'ehinogomo ana sipi nose'na nogoto lenali kehe ilina bouba ma luto lu lepilina'mu yabe: Lenali ya'ma hetofa sia'i ma bomofihi emilo. Ya linogo lenalitoga sipi lenubuya hinogo asaga bona enemegesaga melugu bite minalana'mu yabe.

Luku 19:9

Ya ligo Yesu ma luto Sakiasi kumu lu emi'ehina: Yatai kaika naga'i Hu'mau a'enele'mo'ehibe. Ya'ma bo hiti ai Abalahahi tata'afu nohibe.