Luku 3:36 - Ka Lamana'a Monoꞌi Lu Mu Tifiꞌehina Ka Yabe

³⁶ To Keni ai Afakasatihi pana'a yabe. To Afakasati ai Semihi pana'a yabe. To Semi ai Noahi pana'a yabe. To Noa ai Lemekihi pana'a yabe.

Luku 3:36 Referans Kwoze

2 Pita 2:5

To koyapa'i melugu bona'i foipana hite mine'ahana'a enali'i Hu'mau enubuto mebi'ehina yabe. Mone Noau ai bati bo minoto asaga bona kumu komopatini i gelehe hite eto'ehina hapa'a hite minalo, luto hetofa kaga lu epito mino lito buto mino'ehina bo aimo to lalameha'a sebeni'a mine malago Hu'mau enele'mo bati huto kaba hu epoloto enubuto bi'ehina yabe. Bona'i kegeiyo'a enalitoga nagami'i sipi hoto ti'ehinamo ni'ibe.

1 Pita 3:20

Ya'ma kene'magi enali koyapa'i Noau ai nagamilugu boti lolo huto nohigo ana kanagu Hu'mau komopa'agu fulu hilibe luto komopa'ani i gelehe hilabe luto geba huto minomo tigo kaga'a keheli he'mite pelesa ite mineme ti'ahana. Ya nehago boana'i 8, loe'asi nagamilugu nagu tite sifite mine'ahana. To Hu'mau enubuto bi'ehina'amagi enaligo mine'ahana.

Hibulu 11:7

To Noa ai keheli ule'ale huse'na'a hiti bo mino'ehina Hu'mau alihi lipoti molo emilago ekesa kehelito kohe toto ka'a ekesa lito lu emigo Noau ya'ma kagalo keheli amuya moloto yagapana'a hiti enubuto bito minalabe luto ya'ma luloto nagamilugu boti sipi'a lolo hu'ehina. Ya huloto Noau Hu'mamofitoga agoya hu emito keheli ule'ale hilata yana'mu Hu'mau lamana bo nohane luto lu molo'ehina yauba ya'ma melugu bona'i foipana li'ahana'amagihi enifisa i'ehina suhi huto mino'ehibe.

Luku 17:27

Asaga bona'i minete nose'na neba neba nehite ana'i kata hite nehago Noau sipi botigu tilago nagami'i bilito asaga boana'i enoho fito su ho'ehina suhi hilina'mu yabe.

Luku 3:35

To Neho ai Selagahi pana'a yabe. To Selaga ai Liyuhi pana'a yabe. To Liyu ai Pelekehi pana'a yabe. To Peleke ai Ibahi pana'a yabe. To Iba ai Silahi pana'a yabe. To Sila ai Kenihi pana'a yabe.

Luku 3:37

To Lemeki ai Metusalahi pana'a yabe. To Metusala ai Inokihi pana'a yabe. To Inoki ai Yeletihi pana'a yabe. To Yeleti ai Mahalalihi pana'a yabe. To Mahalali ai Kenanihi pana'a yabe. To Kenani ai Inosihi pana'a yabe.