Luku 23:47 - Ka Lamana'a Monoꞌi Lu Mu Tifiꞌehina Ka Yabe

⁴⁷ Gimi bomagihi kaba bo'aniuba ya'manana huto hinamofihi hapa'a bu go su holoto Hu'mamofihi gelo bi emito ma luto lu'ehina: Ma'naka luto ya'ma boya bebe sana bo yabe.

Luku 23:47 Referans Kwoze

Maki 15:39

To Yesu sipi nogo moloto sikalafu'i molo su hoto filigo, gimi kaba bo moneuba Yesuhi hapa'a bu goto kehelito ma luto lu'ehina: Ma'naka. Ya'ma bo Hu'mamofihi pana'a ma'naka luto nohibe.

Matiu 27:54

Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.

Luku 23:41

Enali le'ali'i le'ahanaya bati hite nele'ahabe. Le'ali bati mehina suhi li huto hu'ohu'ina hapati'amu lite bati hite nele'ahabe. Ya hu'ehina ai ya'ma bouba kegeiyo huto foipana li huto mehu'ehina bo nohibe.

Matiu 9:8

To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.

Yoni 19:7

To Yuta bona'magi ka nona'alo lu emi'ahana: Ai miya bo Hu'mamofihi pana'a nohube lu'ehina yana'mu ai hiti Hu'mamofi hiti moneko'na nohu'ibe nolina yana'mu ho fililibe. Lali keya kaguti ya luto nolibe.

Matiu 27:51

Ya higo ana kana'asilo ka'muya sipi mono nonugu hekini lose kata hasalo mele'ahana folaganuguti i hegege huloto ifogati hapi fito si'aga limito i pa so'ehina. To imima'i hiti noligo efahi ibe kolibe huto limi'ehina.