Luku 23:43 - Ka Lamana'a Monoꞌi Lu Mu Tifiꞌehina Ka Yabe

⁴³ Ya ligo Yesu ma luto lu emi'ehina: Nani ma'naka luto lu nokumube. Yatai ma'asi kai nani hiti miya omihi foyagu minalu'ibe.

Luku 23:43 Referans Kwoze

Huto Hilina Ka 2:7

Sikalafu'uba Hu'mamofihi yagapana'a li gehesa hi'ahana ka'a lu epito lu noepina ya'ma enegekesa hokolo hinogo keheliya ite kehelilabe. Luga'a enali mono ka amuya melete bite Satahi luba'a be ligilana'amagi ya'ma mefilise minoba minoba hilatanamofihi legeya'a Hu'mamofihi foya'agu biha'a ni'ina ya'ma nalabe luto keheli epilube luto nolube.

Luku 19:10

Hena'mugope Kokulumaguti limi'ehina Bouba ai bona'i fenene hi'ahana sa sa huto enele'mo huto hilube luto o'ehina yabe, luto Yesu lu epi'ehina.

Hibulu 7:25

Ya hu'ehina'mu minoba minoba huto nominana bouba ya'ma kana'amu kana'amu lali kumu yabe luto Hu'mamofitoga buka tilata nohinaya ai'a lubuto bise foya Yesuhi foya'amu luto Hu'mamofihi bulo bulata nohuta bo bati huto lamana'agu lele'mo moloto lili'nagu lele'mo hetofa hulata nohibe.

Yoni 17:24

Ke, Afo'niga. Nanitoga enele'mo molo'ahata bona'i ya'ma enali nani minalunaga mine malalabe luto lu nokumube. Yalo nehite ya'ma me'i huto mehu'ehigo komopaka nanitoga molo'ahata kokulumagu fana meha'a molo neto'ahatamofihi bu go fe lilabe.

Filipai 1:23

To loe lae nasana'mu ni'igo hena'ni hilube? Nani mone'namufi mone'namu laga nebesilata nohibe. Metogati Kilisitou nele'mo hulenogo ai hiti minose'na hiluna laga'ni nebesilago yanauba ya'ma nasana tito ni'ibe.

2 Koliti 5:8

Ya nohutoti sibi komopati le'mo hetofa huto nohinogoti lugufatu kame hepato nominotamofihi ya'ma he'mito koto hepatoga Sipi Bo hiti minolata'a yamofihi laga'a kehelilata nohune.

Luku 23:42

Ya luloto ma luto Yesuhi lu emi'ehina: Yesuo. Kai alihi kaba bo lolo hulotomo nani kumu'i kekesu meheno.