Luku 23:33 - Ka Lamana'a Monoꞌi Lu Mu Tifiꞌehina Ka Yabe

³³ Enali bohupo'i mone nina kosa lataha felisa legita kosa yabe lite lilata nehanalo Yesuhi malipu yafalo nehete to foipa bole luga luga etehe'ahana yabe. Mone'i yahi lamaga'aga nehete mone'i Yesuhi yahi soga'aga malipu yafalo nehete hi'ahana.

Luku 23:33 Referans Kwoze

1 Pita 2:24

Lali foipanati yauba ai gupisalo tigo ai'a he'mu kito malipu yafalo fili'ehinamo ni'ibe. Lali foipana lilutana'mu filise bona'i suhi huto mopo mehuse'na minoto bati bati huto minolatanamofihi minete lite hilabe luto fili'ehinamo ni'ibe. To ai fuhe'a li'ehinaloti'i komopatini le'mo kosaba hu'ehinamo ni'ibe.

Yoni 18:32

Ya'ma kaga li'ahananamomu'i koyapa'i Yesu ana yafalo filinamofihi hapa'a pana'alobo'a enelepi'ehina ka ya suhi kaga'ani ni'ibe.

Galesia 3:13

Ya huto ni'inaya keya kamomu'i lalitoga gumi'i ho'ehina'a kilisitou ai gupisa'alo li'ehina yabe. Ya huto keya kamofihi gumi'mofihi nagaluguti gulu ho leto'ehina yabe. Ananamomu'i mono bukugu ma luto ni'ina: Yafalo halana bomofitoga gumi'i tilibe. To Kilisitou ai lali kumu luto malipu yafalo fililoto ya'ma gumi'iloti lubuto bi'ehinagihe.

Aposolo 13:29

To mono kagu ai kumu lu'ehinamofihi enali asaga'na li huto hi etelago Yesuhi bona'magi malipu yafaloti le'mo lago limite muligu he'mi ete'ahana yabe.

Aposolo 5:30

Lenali Yesuhi malipu yafalo hu so kilete malipu yafalo ho fili'ahana lali tatatigi Hu'ma'anifu ai aku'i le'mo ho ti'ehina yabe.

Aposolo 2:23

Koyapa'i Hu'mau ai'a ekesa yigito mololoto ai ya'mana bo Yesuhi lenali lenayanugu molo'ehina yabe. To enali kaga li gofa hose bomagihi enayanugu meleletetini malipu yafalo hago fili'ehina yabe.

Yoni 3:14

Koyapa'i Moseu ka melugu osifa'i yafalo'i li saga hu'ehina, ana supo lite Kokulumaguti limi'ehina Bouba yafalo li saga hilana'mu yabe.

Luku 24:7

Enali Kokulumaguti limi'ehina Bo foipa bomagihi enayanugu binogo malipu yafalo henogo filito loegi monegi yupahi ho tilina'mu yabe luto lu lepi'ehinamo ni'ibe.

Matiu 26:2

Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Matiu 20:19

Ya hilete enali Lomu gamanilo nele'mete binogo enali kiya yokolo ka li netete to naga osatu nibi yigilete to malipu yafalo noho fililana'mu yabe. Ya hinogo loegi monegi yegegu aku'i ho tiluna'mu yabe.