Luku 23:3 - Ka Lamana'a Monoꞌi Lu Mu Tifiꞌehina Ka Yabe

³ Ya lago Pailatiu Yesuhi loka ho'ehina: Kai ma'naka luto Mesiaga Yuta bona'magi gihiti bo'ani nohapihe? Ya ligo Yesu Pailatihi ka'alo nona'a lu emito lu'ehina: Kaika alu huto nohane.

Luku 23:3 Referans Kwoze

1 Timoti 6:13

Ana'ina li huto hu'ehina bo Hu'mamofihi gobisalo to gamani bo, Ponitiasi Pailatihi maha'aga ai'a hetofa hapa'amu lu huto hu'ehina bo, Yesu Kilisitohi gobisalo ya'ma luto lu moloto nolube.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Luku 22:70

To enali: Ya hu'ehinaya kaiya Hu'mamofihi pana'a nohapihe? Ya lago Yesu lu epi'ehina: Lenali alu huto hite nelabe.

Maki 15:2

To Pailatiu Yesu ma luto loka ho'ehina: Kai Yuta bona'magihi kigihiti bo'ani nohapiye? To Yesu: A'nolane, luto lu emi'ehina.

Yoni 19:3

Ya hilete Yesuhi gigusa'alo lahupa nohi fite li emi'ahana: Oho, Yuta bona'magihi kigihiti bona'anise, lite yokolo'na ka lu emite bite enayatu he'ahana.

Luku 23:38

To fayahi mone ifo lataha'alo gete mele'ahanamofihi ka'a ma luto mino'ehina: Ma Bo Ai Yuta Bona'magi Gihiti Bo'ani Yabe.

Maki 15:32

Ai Mesia bo Isilaeli naga'magihi gihiti bo'ani nohifi? Ana, malipu yafaloti limilenogo, lali bu goloto aitoga kehelito agoya hu emilune. Enali mono bomagi ya lite li'ahabe. To ai hiti malipulo etehe'ahana bomale'i ana hite Yesuhi huli ka lu emi'aha'ina yabe.

Maki 15:18

to hapi fite be tigite: Oho. Yuta bona'magihi enikibina bo, lite me'na me'na bi'ahabe.

Matiu 27:11

Enali Yesuhi sipi Lomu gamani bomofihi bulo le'mo ho tigo ma luto loka ho'ehina: Kai Yuta bona'magi sipi gihiti bo'ani nohapihe? Ya luto loka hago Yesu lu'ehina: Kaika alu huto nohane.

Yoni 18:29

Meti'ahanago Pailatiu fegutoga nehanalo limito lu epi'ehina: Ma boya, henana fisa noi etabe?