Luku 23:27 - Ka Lamana'a Monoꞌi Lu Mu Tifiꞌehina Ka Yabe

²⁷ To babu boana'i bululu hite mege'i lifite nebago luga'a ana'magi eniginaga fi emilete yibisu kalasu hi etete lubaha'ani hosopa igo bi'ahana yabe.

Luku 23:27 Referans Kwoze

Luku 8:52

Asaga bona'i analo minana ana pa'mofi kumu lite nose'na mo site yibi hiba hiba hite nehago Yesu bu goloto ma luto lu epi'ehina: Lenali yibi nama mehilo. Ma pa'i mefili'ehina fa'mene bu'i ko'ehibe.

Luku 8:2

To ana huto ana'i luga'a Yesu enebesise'nafi to foipa fele li he'mi epalana mege'i melete bi'ahana yabe. To analuguti moneya Maliau yabai Magatala hepalo a'i yabe lite gi'a helata hana ailuguti koyapa'i Yesu foipa fele nayahi mone kegi'a su huto mone kegi'ati loemo heleko malago li he'mi eto'ehina yabe.

Maki 15:40

To ana'i mone'amagi foto'i nehite bu gete mine'ahabe. Mone gi'a Malia, ai Magatala a'i yabe. To mone ana huto gi'a Malia, ai Yosese hiti to lagaso Yemesi hiti ito'atitifu yabe. To mone gi'a Salome yabe.

Luku 23:55

To ana'i enali Galili kapoguti ho tilete Yesuhi mege'i lifite e'ahana ana'i enali Yosefehi mege'i melete bi'ahana yabe. Ya hilete enali efaha muli'i bu ge'ahana yabe. To ana bite Yosefeu Yesuhi gufa'a hena hena huto malafi lite bu go bati hi'ahana yabe.

Matiu 27:55

Babu ana'i Galili hepa'i he'milete Yesuhi he'malune lite mege'i lifite e'ahana anaga mine'ahana. Ya'mana ana'magi foto'i ho tilete nehite gili gili hi'ahana yabe.

Matiu 11:17

Lali folonemeyahi fu lu lepolotamo lenali nama lilana suhi hite melekehi ite memine'ahabe. To lali eniginaga fise suhi huto yibi nama hutamo enali yibi hilana suhi hite memine'ahabe.

Luku 23:28

Ya nehago Yesu i behe huloto ma luto lu epi'ehina: Lenali Yelusale ana'ise. Nani kumu'i yibi nama mehi netalo. Lenalitini'mu hiti to lenali yagapanatinimagitoga yibi nama hi epalalo. Sipi ketanauba hu epalalibe.

Yoni 16:20

Lama'naka lu lepilugi kehelilo. Lenali ya'ma yibisu kalasu hite nehinogo melugu bona'i mono ka mekeheli'ahana'amagi enali enegelo bilune'mu habe. Ya nehinogo lenali keke'i lilana'mu yabe. Ya nehinogo komopatini le'mo gelehe hinogo babahi hinogo haya ilina'mu yabe.