Luku 23:20 - Ka Lamana'a Monoꞌi Lu Mu Tifiꞌehina Ka Yabe

²⁰ To Pailatiu aku'i kehe ito lu epiloto Yesuhi he'mi etenogo bilube'mu hu'ehina.

Luku 23:20 Referans Kwoze

Maki 15:15

Ya lago, Pailatiu komopa'ani le'mo fulu hilube luto Balabasihi le'mo he'mi eto'ehina yabe. To yalo Yesu kumu kaga ligo, gimi bo'amagi naga osatu heba heba hi'ahabe. To le'mete bite malipu yafalo halo luto lu epilago, gimi bomagi le'mete bi'ahabe.

Yoni 19:12

Yesu ya noligo Pailatiu kehelito ekesa yigi yigi huto koli gofana hu'ehina. Ai ekesa kehelito gulu ho etalina'mu aku Yuta bona'magi hekele lite lu emi'ahana: Kai gulu ho etoletogo ya'ma sipi gihiti bo, Sisau, Lomu hepato nomina bo ai hiti kalalukale'i meneha'ibe. Bona'i moneuba nani sipi gihiti bo nohube lilina ya'ma Sisahi fateha'a lolo nohibe, lite li'ahana.

Matiu 27:19

Ya luto luloto Pailatiu ka foya nonugu kaba huto nominago liha'auba koko pana'aloga ma luto kaga malago ete lu emi'ahana: Kai foipana'a menina bomofihi gufalo ana'ina mone li huto mehubo. Nani yatai folugu'i ana hetofa bomofihi bamu'i bati mehina'a bu goloto'ni ai kumu nugufa'nigu sipi keta nebesi'ehibe.

Luku 23:19

Balabasiu ai gamani bona'magi kaga'mu luto luba li ho tiloto bo mone ho fili'ehinalo nagalugu le'mo malago nominana yabe.

Luku 23:21

Ya ligo enali kehe napa ilete ma lite li'ahana: Malipu yafalo halo. Malipu yafalo halo.