Luku 22:69 - Ka Lamana'a Monoꞌi Lu Mu Tifiꞌehina Ka Yabe

⁶⁹ Ya hu'ehinaya yatai hiti to asaga yupahi alihi Kokulumaguti limi'ehina Bo ai Hu'ma asaga amuya aitogago nina Bomofihi yahi lamaga'aga minalina'mu yabe, Yesu lu'ehina.

Luku 22:69 Referans Kwoze

Hibulu 1:3

Hu'mamofihi fana meha'amofihi sekele mamu'a hiti fuluna'a aitoga fi besa lo'ehinamo ni'ibe. To Hu'mau minoto lito hu'ehinamofihi legege hu'ehinamofihi aitoga ni'ina yanamofihi amuya'alo molo kehelito lulata nohina kaga'a yauba melugu kokulumagu ana'ina silaga'i le'mo hetofa hulata nohibe. Ai'a ya'ma foipanati nokala hu letolata nohina foya'a li su hoto ifoga gihiti bo amuya'a hiti enebe ligi'ehina bo Hu'ma ai nohinalo lamaga'aga buto mino moloto mino'ehina yabe.

Maki 16:19

To Sipi Bo Yesu ai ana kaga lu epi su holoto'a yalo kokulumalugu tito folofa hu'ehibe. Anaga tito Hu'mamofihi yahi lamaga'aga mino moloto mino'ehina yabe.

Maki 14:62

Ya ligo, Yesu ma luto lu'ehina: Nani ana bo nohube. To alihi yupahi nani Kokulumaguti limi'ohuna Bomofita Hu'mamofihi lamaga'alo minenogo'ni bu galane. To aku kokulumaguti sopohi hiti noliminogo'ni bu galane.

Matiu 26:64

Yesu ka'alo nona'a lu'ehina: Kai a'nolane. Ya hu'ehina lenali asaga'i kaga mone lu lepilube. Yatai hiti to aliha'a yupa hiti Kokulumaguti limi'ehina Bouba ifo muya Sipi Boti Hu'mamofihi yahi lamaga'aga minoloto kokulumamofihi sopoha'alo aku alina'mu yabe.

Matiu 22:44

Sipi Bo Hu'mau ma luto nani Sipi Bo'nimofihi lu emi'ehina: Kai nayahi lamaga'nilo minolotoka to nani fatehaka enoho su holenogo, melugu minelenogo, kai kigigusatu ifi to epalalane.

Huto Hilina Ka 22:1

To agelo ai mino kosaba huse nagami'i napa'a biya nonuhu suhi mone nelepigo bu go'ohuna. Ya'ma bu'a gili gili huto ni'ina to Hu'ma to sipisipi nala'a etali sekele mamu'a hiti kefa hisa maha'alugati ya'ma nagami'i nobuto,

Huto Hilina Ka 3:21

Nani amuya moloto Satahi be ligilogo afo'nifu ya'ma ai'a sekele mamu'a hiti kefa hisa minolatana nohinalo minolata nohube. Luga'amagi enali monolugu amuya melete mine lite bite Satahi luba'a be ligilana'a ya'ma ana suhi hite nani'ni ya'ma elesa melenogo nani sekele mamu'a hiti kefa hisalo nohuna namaha'aga moneka minaluta'mu yabe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

Hibulu 8:1

Ka noluna yamofihi legeya'a ma luto ni'ibe. Lali'i mamufa gilata bo sipi bo ai ifoga kokulumagu Hu'mamofihi koli'a hiti kefa hisalo maha'aluga yahi lamaga'aga mino moloto nohibe.

Kolose 3:1

Lenali Kilisito hiti ho ti'ahana bona'i nehafiye? Ai nohina kapomu'i sa sa hite lenegekesa yigilo. Anagu Kilisitou Hu'mamofihi yahi lamaga'aga nominabe.

Romu 8:34

Kiyi kiyi'afu lifisa iloto ka foya lilube'mu nohibe? Yesu ai'asigo lali kumu fililoto ho tito aku Hu'mau lamaga'aga le'mo'ehigo nominabe. Analo nominoto lali kumu Hu'mamofihi amuya loka holata nohibe.

Luku 22:68

To nani kaga mone lenoloka halunaya lenali ana ka'nilo nona'a lu hokolo hite lu menimilana'mu yabe.