Luku 22:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya hilete nohi afo'afihi ma lite lu emiliyo: Tisauba kai kumu ma luto lu'ehibe koko pana'ni hiti Pasa nose'na naluta nohiba hiya'a ni'ibe? luto lu'ehibe lite lu emiliyo.

Luku 22:11 Referans Kwoze

Yoni 11:28

Matau ya lu emito i behe huto buto gona'a Malia nohinalo buto musi huto kaga lu emi'ehina: Babafiti noanogo kai kumu kehe noibe.

Huto Hilina Ka 3:20

Kehelilo. Nani kafega nohuto begele begele tito ilata nohube. Luga'amagi enali kaga'ni ya'ma kehelilete kafe sigi netenogo enali nonugu tilube'mu hube. Tito nose'na lamana'a noto epito hinogo enali hiti nani hiti noto minalune'mu hune.

Luku 19:34

Ya noligo etali: Sipi boti'auba le'mete aliyo luto kehe igo yabe, lite li'aha'ina.

Luku 19:31

To bo moneuba letoloka hoto hena hibe lite toki yaga gulu neha'ibe? nolinogomo letali ma lite lu emiliyo: Sipi boti'auba kehe igo yabe liliyo.

Luku 19:5

Ya higo Yesu ana yafa hapa'alo oto ho tiloto bu golago tito Sakiasihi bu goloto ma luto lu'ehina: Sakiasio, kai hololu luto limibo. Nani yatai kai hiti buto nohakagu minalu'ibe'mu nohube, lu'ehina yabe.

Matiu 21:3

To bo moneuba kaga mone nolinogomo ma lite lu emiliyo: Sipi Bouba lili'na lilube'mu yabe li'inogo ai hololu luto letiminogo ana yagale yete aliyo.

Maki 14:14

To ai tilina nonugu nehetite noho bo ma lite lu emiliyo: Afotifu pana'alobo'ni hiti Pasa nose'na naluta nohi hiya'a ni'ibe luto nolibe. Ya lite lu emiliyo.

Luku 22:10

Ai ma luto lu etimi'ehina: Letali Yelusale hepalugu neti'inogo bo moneuba nagami sipi somo kofito nobuto letofo talina'mu yabe. Letali ana bo mege'i lifite bitetiti ai nonuga notinogomo ana nonuga tiliyo.

Luku 22:12

To ai sipi hasa mone ifolo hita hiti to sia hiti ni'ilina letelepinogo letali anaga asaga Pasa nose'na li loloba hiliyo.