Luku 21:36 - Ka Lamana'a Monoꞌi Lu Mu Tifiꞌehina Ka Yabe

³⁶ Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

Luku 21:36 Referans Kwoze

1 Yoni 2:28

Palala'ni pana'nimagitabe, lenali komopatini bati hinogo minete Kilisitou ai nehetilina kana'a huto hu lamana nohinogo koli mehise amuya melete nehago olenogo lubuya mehuse minalune lite ai'a komopa'agu minalo.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe

Matiu 25:13

Ya hu'ehinagi lenali kaba hu bati hilo. Kokulumaguti limi'ehina Bouba aku alina yupahi to kana'a hiti lenali mekeheli'ahabe.

Matiu 24:42

Ya hu'ehinagi lenali Mesiau alina kana'a mekeheli'ahanagi kaba hu bati hite minalo.

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

1 Koliti 16:13

Lenali kaba hite minelete Hu'mamofihi ka kehelilatanamofi kumu ule'ale hite minalo. Ya nehite koli mehise gimi bomofihi hapa'a lite amuya melete minalo.

Luku 18:1

To kosele meenehenogo ute etehi nunumu hilana bame ka Yesu lu epito ma luto lu epi'ehina:

Maki 13:33

To ya huto ni'inaya, lenali bu gete minalo. To lenegekesa keheli bati hite minalo. Ana kana huto hilina'a lenali ana hite menekehelibe. Ya hu'ehinagi be go bati hite minalo.

Yute 1:24

To Hu'mau lenele'mo hetofa hu'ehigo lele'mo laba hi lalabe lite sekele mamu'a hiti fana mehena'alo foipanatini meminenogo ya nehinogo gobisa'alo lenegelo bise'na hiti amuya'a hiti lenele'mo malalibe.

Matiu 26:41

Lenali kaba hite minete nunumu hilo. Fibe taga hu lepolose'na lenalitoga huto hu lalibe'mu nolube. Komopatinigu ninanauba lenele'mo kosaba kosaba nohinaya ifo lenugufatini amuya'a meni'ibe.

1 Tesalonika 5:17

Asaga yupahi Hu'mamofitoga kehelite lu emilata nehite mehe'mise minalo.

Maki 13:37

Nani ya'ma lu nolepuna ka asaga bona'magihi ana huto lu noepube. Bu go bati hite kaba hite minalo.

2 Timoti 4:5

Enali ya hilanamoya kai ya'ma kana'amu kana'amu kekesa keheli bebe soto minobo. Keke luse nasana gupisalo notinogomo amuya moloto minobo. Ka lamana'a lu yege hose foya'a ya lito li gu ito ana ka lu epibo. Hu'mamofihi foya'a lilata bo kai ya'ma li su hoto libo.

Kolose 4:2

To kosele'i mehose amuya melete Hu'mamofitoga fokehi nelite nunumu hite Hu'mamofihi loka holata nehite minalo.

Aposolo 10:2

Ai mono ka mege'i nomalana bo yabe. Ai hiti lalameha'a hiti asaga'i Hu'mamofitoga enemehi emite mine'ahana. Yuta bona'i luga'a enumuhi meni'ina bona'i Koniliasiu enehe'molata nohuto Hu'mamofitoga amuya moloto nunumu hulata hu'ehina.

Luku 20:35

Ya hu'ehina boana'i Hu'mau lamana nehana yabe luto ho tilabe lu'ehina enali alihi kana'alo mine bati hilanamagi li bo alobo mehilana'mu yabe.

Matiu 8:20

To Yesu lu emi'ehina: Lopi kalamo kalina muli'i ni'ibe to namamo kalina nohi ni'inaya to Kokulumaguti limi'ehina Bouba koto basu bilina hepa'i meni'ibe luto lu emi'ehina.

Matiu 24:43

Lenali ya'ma kaga keheli bati hilo. Bo moneuba guminalo bo alina kana'a keheli'ehitita ai noha'alo kaba gimi giloto nohigo guminalo bouba ai noha'agu tiloto fe'noha'a li su mehalina'mu yabe.

Matiu 24:44

Ya hu'ehinagi lenali asaga yupahi lele hite kosaba kosaba hite minalo, hena'mugope? Kokulumaguti limi'ehina Bo aku limilina ya yupahi alibe lite lele hilana kana'alo mealina fato kanalo nehetilina'mu yabe.

Luku 1:19

To agelouba Sekalaiyahi ka'alo ma luto lu'ehina: Nani nigi'ni Gebilielita sipi agelo'i Hu'mamofihi okabalo ho notuna yabe. Ai'a noho lifito lu emibo ligo ya'mana hetofa ka oto lu nokumube.

Luku 21:35

Asaga kapoga me'i tina'a limina'aga mino baga ite nehana boanatoga ya'mana kana'a huto hu baga ilina'mu yabe.

2 Koliti 4:14

Ya nohutoti ma luto kehelilata nohune. Hu'mau Sipi Bo Yesuhi fili'ehinagati le'mo ho ti'ehina ai suhi huto lali hiti ana huto lele'mo ho tiloto lenali hiti Yesu ai nohinalo lele'mo malalube'mu hibe.

Huto Hilina Ka 6:17

Logo bise'na'atitimofihi kana'a sipi huto hu'ehinagi bo moneubafi moneuba fa'mene mone ho tito meminalube'mu hibe lite li'ahana.

Huto Hilina Ka 7:9

Ya hulago nubu egolago buto mana bu go'ohuna: Noto noto bona'i luga'amagihi babeyafa'a fato fato enugufa hiti to fato fato naga'i hiti to kaga'ani fato fato'i to naga'i babu lite ya'ma bo moneuba leka so su mehose suhi enali sekele mamu'a hiti kefa hisamofihi gobisalo to sipisipi nala'a ai maha'aga ho tite nehago bu enogo'ohuna. Enali ya'ma koholi kata li hekelete lose lose'na fekilite enayanugu ya'ma lose lose'na hekele ite lila lila hite mine'ahana.

Huto Hilina Ka 8:2

yamofihi su nohago agelo 7 enali Hu'mamofihi maha'aluga ho tilete nehago bu enogo'ohuna. To pikuli 7 epigo lila lila hite mine'ahana.

Huto Hilina Ka 11:4

Etali oliba yafa loemo to libi'i loemo ya'ma me'mofihi Sipi Bo'a ai bulo ho tilete minete ya suhi hite neha'ibe.