Luku 21:17 - Ka Lamana'a Monoꞌi Lu Mu Tifiꞌehina Ka Yabe

¹⁷ To asaga bona'magi sipi lenipakafa halana'mu yabe. Hena'mugope lenali nani nigi'ni lu yege homofa'na hilana'mu lite yabe.

Luku 21:17 Referans Kwoze

Yoni 15:19

Lenali mono ka mekeheli'ahana bona'magihi folagaha'anigu minalana enali lenalitoga komopa'ani lepitine. Nani ya'ma enali folagaha'anigu lenele'mo eto hugo enali lite melete hi'ahana ya'ma lenali he'mi'ahanamo ni'ibe. Yana'mu lenali'i ya'ma luba ka li lepilata nehabe.

Luku 6:22

To bona'magi enipakafa lenehenogomo lenofokehi halo. To lenali Kokulumaguti limi'ehina Bo mege'i nemelenogomo bona'magi lenipakafa halanamo'mu nolube. To enali lenele'mo he'milana yabe. To ka foipa'a li lepalalabe. To lenigitini li sibina sabana hite halana'mu yabe. To asaga ya'mana nehi lepelenogo lenali sipi lenofokehi halo.

2 Koliti 12:10

To Kilisito kumu yabe luto amuya memalaluna ni'ifihe? To nele'mobe hokobe hi netalana ni'ifihe? Keke'i luse'namofihi gupisalo minaluna ni'ifihe? To bauna fise'na to kalana'i melese'namofihi gupisalo minalunamo ni'ifihe? O'yo. Fa'mene yana'mu komopa'nigu keheli sibina mehu'ohube. Nani lapa mebi'ohunalo ya'ma ai'a amuya'a nimilago amuya mololata nohunagihe.

Yoni 15:21

Noho lifi'ehina bomu'i keheli fe meli'ahana ya'mu nani nigi'ni lenalitoga ni'ina'mu yabe lite ya hi lepalalune'mu habe.

Huto Hilina Ka 2:3

To amuya melete minoba minoba hite nani kumu keke'i luse'namofihi lenugupisalo melelago kosele'i melenahago bati hite neminabe.

Filipai 1:29

Lenali ai kumu foya'a lilata nehanaya, Yesu Kilisitou lenele'mo'ehina hapa'a henana ni'ibe? Lenali Kilisitohi agoya hi etalabe luto to lenemehi emilabe lutofiye? O'yo. To moneko'i ai kumu yabe lite keke boke nasanamofihi gupisalo minalabe luto yabe.

2 Koliti 4:11

To lali lubu hiti nohutogo kana'mu kana'mu bona'magi enali Yesu kumu lite lali ete neheti neheti hite lele'mo sibina sabana hite fililatanagu lele'mo melelata nehana yamofihi Yesu minoba minoba amuya'amofihi ya'ma lali fililuta lugufaga huto hilibe luto ya suhi huto huto hu limilata nohibe.

Yoni 17:14

Nani kaga lu molo'ahata lu epi'ohunamo ni'ibe. Nani metoga nasana menohugo enali ana hite metoga naga'i menehabe. Metoga nasana bona'magi enali luba enehelata nehabe.

Maki 13:13

To asaga bona'magi nani kumu lite enipagu sibina nohinogo sipi ka lepekilabe. Ya hi lepalanaya aku'i nanitoga kosele'i mehose ule'ale huto minalina bomofi, kana'a su holenogo, Hu'mau le'malina'mu yabe. Yesu ya luto lu epi'ehibe.

Matiu 24:9

Yalo bomagi lenayato lite nagalugu lenele'mo melenogo kosele lili'na lilenogo alihi lenoho fililana'mu yabe. To nani kumu lite asaga boana'magi lenipakafa halana'mu yabe.

Matiu 10:22

To anaga bona'magi lenipakafa halana'mu yabe. Hena'mugope lenali nani yagapana'ni minana'mu lite yabe. Ya hu'ehina to bo moneuba amuya moloto minomo buto bona'i guna ise kana'alo minalina Hu'mau aku'i le'menogo ana bo ai Hu'mamofihi pana'a minalina'mu yabe.

1 Pita 4:14

Lenali Kilisitohi gi'a kehelite minana'mu yabe lite libe kofa hibe hite mumusopa i lepelenogomo kehelinogo yauba amuya'a hiti'na lolo hite lenegelo bite minalo. Ana'ina ya hite lite li lepilenogomo Hu'mamofihi Meha'a silikeha'a hiti nohinauba lenalitoga limito minalinamofihi hapa'a huto nohibe lite lilabe.

Aposolo 9:16

To nani kumu luto asaga gabu gise'na li gufalo molomo bilinamofihi nani'ni lepiluna'mu yabe luto Hu'mau lu'ehina.

Yoni 7:7

To ma melugu boana'magi lenali'i fatehi mehilana nani'i nipakafa hete fatehi hi netalana'mu yabe. Hena'mugope enali foipa suhi nehanamofihi hapa'ani lu huto nohu epolona'mu lite yabe.

Matiu 5:11

To lenali nani'i nemege'i melete neminenogo luga'a bona'magi bu lenegelete enitaluga logo binogo foipa faipa ka li lepelete lenegene mane ite ka fato fato'mofihi lenalitoga lu nemelenogomo lenali lenegelo bilo.

2 Koliti 4:5

Lali mono ka nokehelito laliti'mu lu lepiluta'a mehune. Yesu Kilisito ai lali'i Sipi Boti to lali Yesu kumu yabe luto lenali koko panatini lolo huto minoto minalune luto lu lepilata nohune.

Luku 21:16

Itokafugo afokafugo to kogonamu tamuka to kalalukagi hiti enali asaga'i fatehaka lolo hilana'mu yabe. Ya hilete monepi monepi lenoho fililana'mu yabe.

Luku 21:18

Ya hu'ehina Hu'mamofihi bulo okatiniguti moneko'isi mone fenene mehilina'mu yabe.